日式蒸麥精旦糕 （少糖版）

因為阿囡話想食旦糕做早餐， 正值焗爐壞左， 唯有諗個蒸既旦糕。諗左好耐， 想試下日式旦糕， 又想試下山崎個種麥精旦糕。所以， 改左少少食譜， 蒸左幾個日式麥精旦糕出黎。

材料：

低粉  100G

泡打粉  2茶匙

全旦      1隻

砂糖      30G （後黎覺得可以再加糖， 因為無乜味）

維他麥精 90G

菜油      2茶匙

做法：

1）全旦打發至起泡， 分三次加入砂糖（每次需再打發）。做全旦我覺得無分旦咁鬆軟， 後黎我發覺， 座住熱水蒸氣打發， 真係令盆全旦發得起好多， 同埋會杰身好多（反正蒸旦糕， 先煲熱少少D水， 熄火， 放個盆上煲上打發）。

幾咁杰。信唔信呢個份量只係一隻旦咁大把？？？

 2）分別注入麥精及茶油， 並拌勻。
 3）篩入低粉泡打粉， 切伴至無粉粒。
 4）倒入模具至八九分滿。入爐蒸。（其實步驟3）時， 要開始整返熱煲水先， 咁到入哂模具， 煲水應該岩岩滾）
 5）中火蒸約 13 分鐘， 用牙簽桔入如沒有粉漿沾實， 即熟。

圓卜卜的日式蒸旦糕。

工人姐姐未飲過麥精， 加上呢個係少糖版旦糕， 不過， 工人姐姐都食得出呢個係好立克之類既旦糕。咁即係夠唔夠甜呢？真係要睇個人口味了。