懂性後去迪迪尼

13 Sep 13 之前婆婆有一張免費迪迪尼飛比我地， 因為對上一次係同哥哥去， 所以， 呢張飛， 梗係輪到Claire 啦。加上Claire 去係唔駛再買張貴價兒童票架嘛。咁重大既任務， 梗係留返比爸爸同Claire 親子下。去完一次之後， Claire 不知幾鐘意爸爸， 哈哈。去到門口， 影返張相留念。不過岩岩係車瞓著左既Claire, 好明顯仲係好愕然唔知去左邊咁款。

之後， 就係怪獸醫肚先。

Claire: 邊個話我係怪獸呀

 跟住爸爸話， 有個小朋友離遠見到呢副太陽鏡， 就指住要喎。不過好似大左少少喎。

Claire: 所以我都係決定唔帶超。

Claire: 咁熱爸爸你仲笑得出既。唔好影啦。

Claire: 做乜MINNIE會變左咁大舊架～～～～ 

Claire: 我都係鐘意正正常常SIZE既公仔。

 其實Claire又唔算第一次去迪迪， 不過對上一次黎係仲要揹住既食奶BB。而家算係懂性既小朋友， 都好叻架啦。好多小朋友第一次入迪迪， 見到造型公仔會郁， 都會嚇到大喊。Claire 反而無喊。不過好明顯一同造型人物合照， 就好受驚既樣。好搞笑。

Claire: 爸爸， 我想走多D呀～～

Claire：嘩， 高飛， 你想點呀～～～

Claire: 爸爸， 同呢D公仔影相算啦。起碼我夠膽摸佢嘛。

Claire: 我係咪好女仔呢？不如比我學彈琴吖。

Claire: 不過我未夠高喎。要企係度至彈到。

Claire: 我桔高左都唔夠三眼仔咁高～～～～等我食多D飯飯再高D， 至學彈琴啦。

Claire: 點解比我落黎渣車車既？？！！

Claire: 呢架係咪爸爸車車黎架？

Claire: 本小姐今日好開心， 如果下次同埋哥哥一齊黎就好囉。

如果迪迪尼入場票唔係咁貴， 如果又重有紅票的話， 咁媽媽實再繼續買紅票入去同兩兄妹玩啦。可惜迪迪尼年年加價， 貴到無論。唉。