馬騮妹

話說Claire真係越大越反斗百厭。睇見佢個曳樣真係好想鬧佢，不過Claire 又古惑， 一臉扮可愛既樣望住你， 真係叫人火唔落。

好似呢條片咁（按此進入）， 無啦啦跳床。真係玩 5 LITTLE MONKEYS JUMPING ON THE BED 咩。

跳完床又走去跳梳化， 阿媽我真係嘔哂血。

Claire: 我可唔可愛呀？

 話說衰妹極速摛左上梳化頂之前， 坐係媽媽隔離問過媽媽：可唔可以爬上去呀（手指住梳化頂）。媽媽好決絕咁答：唔可以。Claire 仲要古惑咁眼尾哨下阿媽， 陰陰咀飛左上去。仲要邊眼尾哨住媽媽， 睇媽媽點打佢屁股定。

Claire: 唱下歌仔先

Claire: 嘻嘻， 好好玩呀， 好玩過就咁跳梳化。

Claire: 我咁可愛，我唔信你會打到我飛起囉。

呢個小朋友， 你話係咪馬騮黎吖。爬高爬低。仲要搏命跳床。唉。再大少少， 真係反轉間屋都似。