自得其樂的生日會

16 Mar 14 嘩哈哈， 又係時候痴住哥哥去玩去癲。做Claire 真係好， 成日可以名正言順去玩。

Claire: 呢頂帽係爸爸幫我做架， 靚唔靚呀？

 整完小手工， 等齊人到既時候， 正正係Claire 專心睇電視既時候了。

Claire: 咁唔睇電視， 仲可以做乜呢？ 

Claire: 快D 影合照啦， 我想出去玩呀～～

因為等得唔耐煩， Claire 一食完野， 就不停話出去玩。所以，Claire 好快就出左去放電了。

人仔細細既Claire 動作唔可以睇少， 真係快到無人有。仲好自得其樂TIM。

Claire: 媽咪， 快D 黎一齊SIR 啦， 好好玩架。

Claire: 哈哈， 真係好好玩呀～～～

最後， 居然有個姐姐肯陪Claire 癲。咁岩Claire 又忽然鐘意左姐姐， 不停痴住佢玩。呢個忘年朋友真係少有地發生。

點知， 同大姐姐大哥哥玩， 玩到忘哂形。

就係咁， 居然同男仔玩埋一堆瞓埋一舊。真係無眼睇。大個如果仲係咁， 點算呢？！！