正式上畫班

17 Sep 14 Claire 正式跟星星老師學畫畫。Claire 細個睇得哥哥作品多，成日都好衷心盛讚哥哥作品好靚，好比心機做。一臉羨慕之情浮現哂係臉上。等到頸長，卒之到佢自己上堂了。Claire 不知幾咁期待。

星星老師對K1小朋友特別照顧，堂上影左好多相SEND返比我地。

睇下，幾咁專心畫。媽媽收到呢D相後，不知幾咁窩心。

原來，一棵橙樹係咁畫出黎既。

第一堂完左，Claire 仲好開心自己揹住老師送既畫袋離開，唔肯比媽媽代勞。咁大既袋，媽媽幾驚會阻到Claire 視線趴低呀～～

Claire: 媽咪，你放心啦～～～我會小心架啦。

人仔細細，揹住個大袋，十分老積。

去星星老師學畫，除左期待唔知每堂畫乜外，Claire 最期待就係去個度既商場玩下呢D電動車。

雖然星星老師呢度比較隔涉，但每次見到Claire 既作品都好用心好特別，媽媽就覺得值得此行。希望妹妹繼續努力。