妹妹體操彈床進度

Claire 目前為止，除左學畫，仲有係跳佢鍾意既彈床體操。不過礙於體形同年紀，當大家準備為十月體操比賽努力練習時，Claire 只好陪練。人仔細細既Claire，做某D動作時，媽媽都引唔住笑。錄於15 Sep 14 ：（按此去片）

媽媽成日諗，究竟Claire 知唔知自己無份參加比賽，會唔會有點兒失望，又，當佢見到各大姐姐哥哥做到動作而佢自己做唔到，會唔會失信心。不過點都好，睇住Claire 好用心好努力咁嘗試，媽媽真係好欣賞佢既毅力。

雖然係細粒，玩彈床既年資都無半年，但Claire 可以跳彈床都有板有眼，識坐企分腿，係彈床上邊彈彈下仲可以控制到雙腿，真係唔容易，媽媽真係好開心架。錄於22 Sep 14:（按此去片）

體操比賽聽聞係一年只得一次，唯有寄望妹妹努力學習，食多D大隻D，出年可以一嘗比賽滋味啦。