韓國自由行之不外如是食篇（O'sulloc，崔大叔部隊鍋）

9 Sep 14 呢日本來係諗住去食ISAAC早餐既。咁多BLOGGER讚好，點都要揾間係左近，幾經辛苦查到弘大有間，反正我地要去3D愛特麗影相，咁不如係弘大ISAAC食早餐啦。殊不知撞正國內長假，ISAAC居然唔開門，枉我地白行一趟。不過弘大附近建築物好似幾特別咁。

走黎走去揾下路，搞左成個鐘。爸爸開始不滿了，所以，我地係愛特麗對面條街揾左間樓上店食早餐。估唔到店子小小，都有個呢D震響裝置提醒客人取食物。香港係咪要學下呢？

其實呢間店無乜好食。搞到呢日早餐有點怪咁。

食完動物園早餐，我地去愛特麗玩LU。之後，見呢日好似有少少店開左，所以，我地取消左下午玩雪既行程，改為去東大門買玩具。

係東大門又行左好耐，兩個小朋友已經餓暈。唯有係東大門玩具街附近有間似樣少少既CAFE食。好鬼難食呀，間野係門面超細，跟住落地底坐的。我估東大門玩具街行返出大街，得佢一間係咁。難食到呢～～～

行左一大輪東大門，返酒店放低玩具收穫後，我地就步行去到明洞揾部隊鍋食。BLOGGER咁多推介，點都要試下，我地揾左崔大叔部隊鍋。我地ORDER時特登拎左張寫住唔要辣椒既韓文圖文並茂出黎，點知個學生侍應好似唔係好慣咁。唔係好想做。前菜照上，好似無乜問題。

嘩，見到幾多紅色粒粒嘛，就係部隊鍋一拎上黎，嘩，原來底部藏有好多辣肉架～～～

我地自己係咁筆走，筆到好核突，個學生侍應就等我地筆～～～睇下估湯勺幾多紅色痴住，就知我地之前筆走好多辣肉了。

雖然係筆走好多，但老老實實，個鍋真係幾辣下。兩個小朋友食到叫哂救命。如果唔係為著佢任添白飯同拉面，真係未必會黎呢間食。

同場加映爸爸後期叫既燒牛肉。味道同牛肉乾一樣又乾又咸，唔係我杯茶。

老老實實，我地真係唔係咁識欣賞部隊鍋呢家野。可能我地唔係食辣之人啦。所以走哂寶掛。

食飽辣面，索性行埋隔離街既O'sulloc食綠茶。一入門口，超多人，不過好在二樓無乜人。仲放左好多關於綠茶既書TIM。

裝修好日式，比人好優閒既感覺。

既然係綠茶甜品，當然媽媽出馬ORDER。一返埋位，爸爸眼都突，做乜叫咁多呀～～～～仲要埋單唔平。ANYWAY，試過後，感覺同呢日食既野一樣： 可以唔食。無乜綠茶味，同日本同埋台灣個間明森宇治抹茶差天共地。超後悔點左咁多樣TIM。老老實實，圖中各式各樣綠茶朱古力，雪糕等等，都不及個球麥茶雪糕咁濃香囉。死未。

總括今日，都係去食BLOGGER熱門既韓國店，結果不外如是。下趟去韓國，都係白撞可能會穩陣D。