百厭妹真面目

媽媽成日都話Claire 粗魯，有幾粗魯？睇下片咪知，錄於 23 Sep 14: （按此進入）

媽媽見到真係頭都暈埋，邊有女仔人家咁粗魯至得架。成日行街都起飛腳，有次仲無啦啦走上前起飛腳踢前面個婆婆，真係嚇到媽媽鼻哥隆都無肉呀。

除此之外，Claire 仲好老積架，尤其係睇死爸爸唔會大鬧佢，就成日百百厭厭咁，做錯事仲老老積積咁，真係無佢符。錄於 23 Sep 14: （按此進入）

雖然Claire 係咁粗魯又老積，不過係學校，佢話自己好聽話，唔會咬人（成日咬哥哥）又唔會打人架喎～～～咁，按老師評價，似乎又真係响學校聽話D既。如果係屋企都咁斯文，咁就好了。