殘雞女

1 July 15 Claire 自小都係惡女一名，係外人先成日話佢得意，真係無人領教過佢D臭脾氣。好似呢日咁，我地出發去海洋公園之前，媽媽諗住影下佢副超靚襯到絕既打扮⋯⋯睇下，D人發惡成咁。

Claire: 你唔淮再影呀。 

Claire: 你見唔見我對眼發緊火⋯⋯我話左唔淮再影相⋯⋯

 4 July 15 周六爸爸返工，我地幾子女既例牌節目，就係去圖書館公園。一食完早餐就去玩，大熱天時，玩到成身汗。不過依然無阻Claire 吹泡泡既樂趣。

呢兩兄妹一齊吹，真係旨在吹⋯⋯比其它小朋友去拍。不過媽媽好欣賞Claire，係呢個暑假，進步左好多，拎住支泡泡水，會主動分享比其它小朋友輪住玩。一副大姐姐既模樣。雖然我地無乜小朋友約會，但勝在同其它唔識既小朋友一齊玩時，Claire 都識得分享同埋禮讓，有時又識得照顧比佢小既小小朋友仔。媽媽真係睇住佢，覺得呢個小妹妹成長了好多。

不過Claire 性格上，真係仲有好大進步空間。至少單純一點，脾氣唔好咁大，咁就更加好了。反之，係呢方面，哥哥當年係情緒控制方面，真係成熟好多。