最後一天上幼稚園

8 July 15 Isaac 呢日係最後一日，揹住呢個幼稚園書包返學去。三年了，唔經唔覺咁就三年，一生人裡面，性格塑造最重要既頭六年，咁就過去。唔知媽媽係呢幾年照顧中，對Isaac 日後人生，有幾大影響呢？

Isaac: YEAH～～～媽咪呢三年成日湊我返學放學。所以我日日都去創意區造勞作比媽咪架。

最後一日返學。爸爸媽媽一齊送佢上學去。嘩，原來長大了，Isaac 依然係同媽媽一個餅印架喎。

睇返 Isaac K1 第一天，同K3 離開幼稚園生活最後一天既模樣⋯⋯好明顯除了長大了之外，還有，係發福左。哈哈。

9 July 15 暑假叫做開始左。為迎接小學晨早起身，呢個暑假，媽媽依然要求Isaac 同之前一樣時間起身。好在，Isaac 好聽話，明白小學生活唔易過，日日晨吉咁早起，所以，Isaac 都好合作，暑假有七成時間，都係同返幼稚園時一樣時間起身。咁早起身，媽媽索性陪佢玩下大富翁。次次都玩到唔願收檔。 

11 July 15 呢日家長日，終於收到 Isaac 畢業相。大個仔了。忽然拎埋 Isaac 兩歲影既相⋯⋯嘩，好似成個唔同哂。由以前包包臉，忽然變成一個定性小孩了。希望Isaac 升小學後，繼續享受六年既小學生活之餘，仲可以結交到好朋友，升中後能夠繼續保持聯絡。