貪靚妹

20 Jul 15 有人越黎越女仔。成日都要著裙唔肯著褲出街。呢日，暑期班跳彈床，媽媽話要換過條褲至可以出街喎⋯⋯卒之？

Claire: 我而家咪著左褲囉⋯⋯我打死都唔會除裙架⋯⋯

21 Jul15 呢日係屋企HEA爆，忽然聽到係房傳出陣陣疑似歌聲⋯聽下，嘩，做乜有個女係度自創歌詞唱歌架。聽落歌詞又幾搞笑喎 （按此去片）

 22 Jul 15 一如以往，暑假都係HEA下，媽媽一向唔想小朋友暑假都去補學術野。純粹玩下睇下書。呢日唔駛跳彈床，無所事事，唯有玩下泥膠煮飯仔。

同一時間，地下又有另一檔，係哥哥砌LEGO。對於呢兩樣玩意，媽媽一向唔嫌玩太多，因為呢兩樣都係有益玩意黎，尤其係對手指肌弱既Claire 黎講，佢真係要多D玩泥膠同LEGO去強化手指肌，等佢寫字有力D。