又去玩沙玩水

16 July 15 暑假正式開始了。雖然得媽媽一個睇住兩兄妹，不過為著兩兄妹有個痛快玩樂既童年，媽媽都係寧願辛苦D 返屋企善後泥沙，都想一個人帶佢地去沙灘玩。因為就算放假，爸爸都唔想去沙灘吖嘛。

Claire: 好野，有得去玩沙⋯⋯
Isaac: 哼，我有兩個鏟⋯⋯

 睇下，有人未出門，已經笑到見牙唔見眼。

D朋友知道媽媽一拖二去沙灘，十個有十個都好驚訝，佩服媽媽既勇氣同時，亦都讚賞兩兄妹既乖巧. 又係既，兩兄妹雖然佻皮，不過，九成都係會按媽媽指示去做。都係好孩子黎。

Isaac: 好野，媽咪讚我乖。
Claire: 我乖過你呀，我坐定定⋯⋯

 呢兩兄妹，最鐘意鬥。乜都鬥。媽咪讚哥哥，阿妹就例必要爭再叻D⋯⋯

Claire: 係咪我乖D呀？

Claire: 你再唔話我乖過哥哥，我唔鍾意你架啦。

 第一次著三點式落沙灘既Claire，自從佢肯女仔打扮後，真係越來越女仔了。

Claire: 睇下，我執到貝殼仔呀。

 兩兄妹最鍾意玩沙。難得媽媽又習慣左返屋企善後，所以，點熱，都要陪下寶貝們黎玩到夠。

通常玩玩下沙，就會忽然走去玩水。呢張相，媽媽好喜歡，影得妹妹好開心呀。

Claire: 我準備等水沖埋黎，我就起腳踢佢⋯⋯

Claire: 哈哈，踢到LU⋯⋯

Claire: 再高D⋯⋯

最後，雖然已經一早去玩，但返屋企沖涼時，發現Claire 背上，已經有兩個大X⋯⋯係乜黎呢？咪就係印囉。哈哈哈。