體操彈床暑期班第一堂

13 July 15 呢日早上去完畢業禮綵排之後，我地就趕黎上暑期班。媽媽今年幫兩兄妹報左彈床體操班，一周上三堂，其實旨在要兩兄妹多D跳，快高D。

Isaac:睇下我而家都跳得幾高。

Isaac 既招牌分腿，之前POST過係臉書，嚇倒很多人。連班主任都驚訝佢既柔軟度。

由K1斷斷續續咁玩彈床，到今日K3完結，Isaac 跳得幾好？按此去片觀看就知一二。

見係暑期班剛開始，媽媽都錄低左Isaac 淨做坐彈轉既動作。方便暑期班完結時，可以對照返Isaac 既進展如何嘛。（按此觀看）

呢個咁大隻既，係邊個黎既呢？

咪就係Isaac 囉。話說呢期暑期班，Isaac 被分去小學組個班。所以，身後既學員，都係牛高馬大。

睇完 Isaac ，又輸到阿妹。嘩，好似跳得好高咁喎。

Claire 可能身型比較細粒，手腳協調未成熟，所以，跳起彈床，動作純熟，仍然有待進展。

Claire: 我要努力跳。我要叻過哥哥⋯⋯

 雖然Claire 跳得唔精，不過，媽媽真係好欣賞佢個種不屈不撓既精神。好用力去跳，仲要跳比媽咪睇⋯⋯因為邊跳邊望阿媽有無欣賞。一見媽咪無望佢，就會大叫媽咪睇下⋯⋯十足Isaac 以前咁。