潛質初現

14 Oct 15 呢日收到畫班老師既相，又見到Claire 好聚精匯神咁做勞作。好感動呀⋯⋯

係Claire 未讀幼稚園前，媽媽仲好擔心佢能力既問題。帶佢去試班之前，仲同畫班老師提到佢能力可能唔係好得⋯⋯當時老師反而話Claire 好OK呀⋯⋯個時以為老師安慰好聽說話。而家睇返D相，再睇下Claire 既成長，媽媽終於相信佢有呢個能力。只係平時唔SHOW出黎姐⋯⋯

Claire: 我咁醒，你都話我唔得？？

 老師話佢係一點即明，自己搞掂個一種類型，絕對拒絕外援。真係咪睇少佢。

Claire: 剪埋條尾就搞掂⋯⋯

Claire: 老師，靚唔靚呀？

其實Claire 話佢唔想學畫喎，話D色料搞到佢兩手都污糟哂⋯⋯不過畫完畫，有得玩公園，佢好似又忘記左手仔污糟呢回事。

18 Oct 15  玩時玩，呢個轉轉真係好得Claire 歡心。媽媽試過，真係唔識玩⋯⋯Claire 人仔細細，估唔到玩得咁得心應手。

轉到裙都飛起，可想而之佢真係好有速度呀⋯⋯

狂跑跟住仲要單腳企⋯⋯真係咪睇少佢。原來 Claire 都好有潛質架（包括學習方面），只係時間問題而已。唔知長大後既Claire，會變成點呢？

Claire: 唔快邊好玩架⋯⋯