一年一次拉丁演出

31 Oct 15 呢日係兩兄妹跳舞學校表演日。等左好耐，Claire 終於可以化哂粧出場了。媽媽之前仲諗住Claire 實驚化眼粧，因為要黏假眼睫毛。吖，個衰妹貪靚真係堅，一點都唔怕，成朝坐定定。果然同哥哥差好遠。

Isaac: 我唔駛化眼粧，對眼仲大過阿妹啦⋯⋯
Claire: 媽咪，我靚唔靚呀？

學左成年拉丁舞，次次見哥哥出賽無自己份，媽媽可以理解Claire 係有幾咁失落。所以，呢次可以有份表演，Claire 真係好鬼開心。

兩兄妹首次㩗手同台演出⋯⋯亦都可能係唯一一次。

小插曲，哈哈哈，當爸媽送左兩兄妹去綵排後，還有大把時間剩，我地兩夫婦就撐下枱腳之餘，仲去左食甜品飲COFFEE。好耐無試過咁悠閒了。

話咁快，就過左兩個鐘，兩兄妹出場了。嘩，好難先係人堆中揾到哥哥的身影⋯⋯咦，著起黎跳，好似好型咁喎。

最難揾，原來係Claire，因為太多人著同色衫仲要係細細粒⋯⋯好在都影到個正面姐。

咁睇，原來Claire 都有個圓面仔同肚仔。

演出片段按此

最後謝幕，兩兄妹又煙沒係人堆中，唉⋯⋯好在爸爸影到少少Claire 側面。

好似追星咁，左摷右揾，先係縫隙中揾到熟悉的面孔。