鬼馬兩兄妹

3 Oct 15 呢日同學仔約Claire 去玩。難得有女孩子同Claire 玩，媽媽梗係話好。等男人頭妹妹可以漸漸女性化都好吖嘛。不過睇相⋯⋯好似Claire 依然係好MAN FEEL，哈哈。

8 Oct 15 呢日媽媽帶Claire 去放電。Claire 好開心，邊行邊跳⋯⋯仲話要跳高掂到榕樹既根喎⋯⋯好似好難喎，阿女。

呢晚，哥哥好勇敢，比媽媽帶佢夾硬剝左粒牙仔。為左奬勵呢位咁叻既小朋友，媽媽就帶佢去食火車甜品。好明顯，係有人開心過哥哥囉。

Isaac: 嘻，唔緊要啦，我都好錫妹妹既。

Claire: 哇⋯⋯我食喇⋯⋯
Isaac: 吖⋯⋯我已經揩左CREAM啦。 

Claire: 你仲唔食？我地食哂架啦⋯⋯

呢兩個小朋友，真係鬼馬，淨係去食個甜品，都咁多表情。呢間野其實味道麻麻，不過為左兩兄妹開開心心過一晚，媽媽都陪佢地去食一餐⋯⋯都唔平架。呢架車都要一百大洋。係唔值的。但可以氹到兩個咁開心，咁樣諗，都算把啦。