忽然雙眼皮

1 Oct 15 難得又放假，兩位小朋友一起身就出黎玩LEGO。

難得連Claire 都砌埋一份。通常佢係被迫睇住哥哥砌咋嘛。

夜晚，輪到Isaac 被迫玩數字棋。媽媽見佢大個仔，係時候要多玩棋類TRAIN UP下佢既解難能力喎。

玩完出去食飯，婆婆忽然見到Isaac 變了雙眼皮，媽媽二話不說即刻影低⋯⋯因為平時佢係同媽咪一樣鴛鴦眼架嘛。難得呢日兩隻都雙眼皮喎。梗係要影低比佢大個睇返。

食完飯又返去瞓。話咁快，Isaac 返左一個月小學了。不過依然未適應。瞓覺對佢黎講，依然係唔夠架。所以，呢日點解會有雙眼皮，係因為佢太攰了⋯⋯哈哈。到而家，Isaac 一遲過九點瞓，翌朝就好攰好難起身⋯⋯所以，放學後既時間運用，對佢黎講，都幾有壓力，因為係比人家短既時間內，完成哂功課晚餐等等⋯⋯所以，平時真係無乜時間温習。唯有放假一次温哂，咁平日就可以KEEP返早瞓，翌日早起了。老師話，當佢再大D，應該會好D架喎⋯⋯希望啦。