喪玩一天

21 Oct 15 呢日Claire 同學仔BOOK左場去玩BBQ，順便放電。因為哥哥正值考試，所以，就由同學仔媽咪先行帶Claire 出去玩。似乎無爸媽在場，Claire 都玩得好開心喎。

Claire: 睇下，我地做左三文治呀⋯⋯

 同學仔媽咪話Claire 好似隻馬騮咁喎，一陣就爬左上條柱到。

媽媽好快同哥哥温完書，就趕黎同Claire 一齊玩，點知有個人仔，唔知係曬得滯定覺得我地阻住佢呢，好似愁哂咁既？

Claire: 唏，我玩到阿媽姓乜都唔記得，點會怪你遲黎吖。

媽咪： 咩嘩⋯⋯我咬你個PAT架⋯⋯
Claire: 嘩⋯⋯我講笑咋⋯⋯

Claire: 嘩⋯⋯點解唔見左媽咪架⋯⋯

玩下食下又玩下，兩兄妹食得好專心，因為有個音樂卡啦OK。

好快咁食完，就衝出黎玩波劍打怪獸。怪獸係邊？咪就係同學仔媽咪囉。

Isaac: 嘻，我用粉紅色劍打怪獸。

Claire: 嘩，走呀⋯⋯怪獸黎啦⋯⋯

班小朋友玩下呢樣又玩下個樣，最後，忽然走左去唱歌仔。

Claire: 你係咪唱架？係咁笑既⋯⋯

咪睇平時牙擦擦，出到台，Claire 仲係好怯場。呢次幾個家長睇住咋嘛，佢唱歌唱到WEAR實件衫。緊張到呢⋯⋯

途中小插曲，好搞笑呀，呢張相。兩位高頭大馬想點呀？

咁岩㪫㪫生日，我地呢次GATHERING係順便同佢賀埋牛一。

Claire: 食快D再出去玩多轉先⋯⋯

食飽飽有力走，有人變左做猩猩？

十一點幾玩到四點⋯⋯真係攰到出哂樣。不過呢幾位小朋友，仲有興致陪家長們去食糖水⋯⋯之後，當然係向大人膊頭上倒頭大睡啦⋯⋯真係好開心呀，難得大家升上K2剛開學無耐，可以又出黎玩多轉。希望日後仲有大把機會啦。