一家貓頭鷹: 6月 2017

2017年6月28日星期三

GATHERING ＠上恩家

19 Nov 16 應舊同學邀請，Isaac 呢日去到元朗踩上恩新居既場。好大呀～～～呢間屋，大到可以跳繩TIM。

因為我地都幾早去到，應其它媽媽要求，Isaac 即席示範跳繩（按此）。

終於等齊人了，大家齊齊黎個親子CUPCAKE時刻。

媽媽雖然好耐無再整蛋糕，但技巧無退步到架，有落手幫手整架。

呢班小學同學，媽媽早前忽發奇想：會唔會到Isaac 成人後，都仲同呢班同學仔出黎玩呢？！

一番擾嚷之後，兩盤親子CUPCAKE準備入爐。

等緊食既時候，大家係上恩屋企狂玩，Isaac 就利用呢條長走廊，玩四腳爬爬，認真無眼睇（按此）。估唔到Isaac 玩開後，幾個女孩子都爭相鬥快，咁又變成一個遊戲。

晚飯後，雪盈爸爸落手教大家扭波波。認真又食又玩。

連 Isaac 都忍唔住要扭埋一份。不過，只係呢個MOMENT咋，之後，猛話好驚好驚⋯⋯成支波比左雪盈爸爸扭哂。

Isaac 始終都係鐘意鬥智多，放棄玩波，走去同彩然哥哥下棋。

開開心心又一晚，玩到傻左既Isaac 回程時，同雅雯笑到四萬咁口，大家都做左無牙仔女呀～

究竟呢兩位小朋友係乜野構造既呢？每次佢兩個撞埋一齊，化學反應就會出現－－呢個傻笑既畫面。

開開心心的一晚，呢班小朋友，真係定期聚，希望長大後的Isaac，都記得呢種點點回憶啦。

E Cube Club

19 Nov 16 呢日媽媽帶哥哥去同學仔屋企玩。爸爸就帶Claire 去溜冰。繼暑假玩左溜冰後，Claire 都無再溜冰了。呢日爸爸帶佢去MEGABOX 溜下，嘩，溜得好純熟呀（按此），真係有板有眼了。唔似得以前"行"冰。

玩完溜冰，爸爸見上層有間兒童遊戲室，就帶左Claire 入去玩⋯⋯點知，原來入場費都好貴下，要成＄180元架。好貴呀～～～～貴過油塘個邊既室內遊樂場。不過，爸爸都係廿四孝，錢財身外物，最緊要寶貝女開心。所以，照去也～～

E Cube Club 最特別於普通既PLAYHOUSE，就係佢有座十六座位造型既吹氣彈床（按此）。雖然都係彈床，但外型少見，小朋友就玩得特別興奮。

E Cube Club 一樣有滑梯，叫做比油塘既J PLUS大少少⋯⋯但相對愉景灣既DISCOVERY LAND黎講，呢條滑梯真係碎料了。唔駛兩三秒，就已經著陸（按此）。

不過大人睇黎好似好普通既玩意，呢位小妹妹，一樣玩得好開心，玩到唔願走，回到家仲不停同媽媽哥哥講，呢度好好玩，下次一定要帶哥哥去。

Claire: Hi！呢度好大呀，滑梯有兩層高架！

2017年6月26日星期一

兩兄妹齊跳護脊操

18 Nov 16 呢日，Claire 忽然興起，係咁跳護脊操，跳到哥哥做完功課，見到妹妹跳得咁開心，兩兄妹跳埋一份。跟住Isaac 係咁話Claire 個版本同佢小學唔同，咁梗係唔同啦，大家都唔同學校。

但呢個齊齊跳既畫面，好耐無見了。媽媽忍唔住要錄低佢，比佢兩個大個自己睇返。（兩兄妹護脊操版本）

2017年6月19日星期一

其實我好貪靚

15 Nov 16 話說K3 既Claire被迫要參加芭蕾舞組，因為學校既故事組已經解散左。學校規定，每個同學要選一樣活動，咁Claire 就話要參加班主任張老師負責既芭蕾舞喎。係同學仔轉讓下，媽媽可以慳返唔駛買芭蕾舞裙。

Claire 首次穿起呢套裙返學，十分興奮。自己同自己講：好靚～～跟住仲擺哂POSE影相。

Claire: 媽咪，我好攰呀，影完未呀？

Claire: 我出發返學跳舞啦～

因為件芭蕾舞裙太短了，所以，媽媽要佢係芭蕾舞裙出面，加返件半截裙。入到學校先至除，咁係條街上行，感覺上都安全少少吖。不過有人返到學，見其它同學仔都無外加半截裙，之後返學跳舞，Claire 都唔肯再套多件半截裙出去⋯⋯⋯⋯直到有天放學，老師話佢件芭蕾舞裙太短，Claire 先再肯屈服，套返件半截裙出街咋。呢個妹仔，真係貪靚到爆。

K3 學校旅行＠沙頭角農莊

12 Nov 16 一年一度既學校旅行終於到了。今年地點係沙頭角農莊，唉～～～我地一家四口六月先去完。相隔未夠半年，又去同一個地點，認真麻麻地。本黎諗住唔參加，但爸爸話照去喎，咁就去啦～～由爸爸代表陪妹妹去。

其實呢日都幾熱下架，開頭大家都係著冬天衫黎合照。

Claire: 你地正經D得唔得呀？睇我張張都好正經咁笑架。

Claire 最鐘意班主任張老師。成日借機要拖住張老師。

Claire: 咁你都唔可以咁講架⋯⋯秘密黎架嘛。唔可以話比人知，我鐘意張老師架！

遊沙頭角農莊例牌整茶果。Claire 是次傑作。

Claire: 仲有呢條毛毛蟲呀～

食完齊齊去餵錦鯉，其實Claire 之前都玩過。不過，對佢黎講，用奶樽餵魚，都係一件好

新奇既玩意黎。因為係屋企，邊可以咁樣餵魚呀～

之後，即飛上吹氣彈床放電。呢個小妹妹，玩既節奏仲快過食。

最開心，係SIR落黎個下（按此）。

於是乎，幾個好朋友，齊齊上，齊齊落。好有秩序（按此）。

玩到N次，呢三個都仲係好ENJOY，SIR落黎仲繼續尖叫（按此）。

Claire 係咪馬蹓黎架？咁鐘意爬高爬低既？

爛玩既Claire，同朋友仔玩飛碟，咁岩地面有個洞，Claire 傻豬豬，唔介意爸爸抱佢落去企泥洞。仲好大方咁笑TIM⋯⋯引黎各同學爭住落去企。爸爸同小朋友玩，果然有一套呀～～

2017年6月18日星期日

爸爸妹妹打敗仗。哥哥去學校BBQ

11 Nov 16 呢日真頻繁，晨早爸爸準備返工，忽然超級頭痛⋯⋯等左個幾鐘，忍唔住入急症室，醫生話爸爸感冒所以有機會超頭痛喎。不過，安全起見，可以留院檢查。於是爸爸就入院檢查左半天。

下午返到屋企，輪到呢位小公主作病咁，睇佢個樣幾咁辛苦。卒之去左睇醫生，因為⋯⋯小妹妹嘔呀。

Claire: 媽咪，點解㧴會病架？

食左葯，睇睇下佢至愛既老夫子，就熄左制，好辛苦好慘呀。媽媽見到都好心痛。

好在個時仲有工人姐姐，否則遇著爸爸入院，妹妹嘔吐發燒，仲要接哥哥放學，媽媽真係變身都唔掂。而且，呢晚，哥哥期待左好耐既學校BBQ活動舉行呀，本黎，媽媽比左錢後加妹妹參加埋一份⋯⋯點知，估唔到妹妹病左黎唔到。好可惜。

妹妹病到好辛苦，媽媽其實都麻麻地想黎燒野食，但為左Isaac，都要放下妹妹比工人睇。而爸爸係晚上，都出院返左屋企。有爸爸在家，點都放心一點點了。

所以，媽媽可以享受呢晚同Isaac BBQ的時刻。