小妹妹點滴

6 Nov 16 呢日又路經VCITY，呢個女孩子真係百影不厭，明明摛日先影完呢個聖誕佈置。今日行過，點都要停低擺下POSE。

Claire: 我係想寄信比你呀～～

 咦，咁呢張又做乜呢？望真D，哦，原來係鬼馬Isaac 在影相。真係唔望清楚，都唔知佢係度影緊相喎。

7 Nov 16 呢晚整白飯魚炒雞蛋，Claire 好有心要自己學炒。媽媽教佢炒，炒完之後，佢好興奮咁要錄影比婆婆睇，話比婆婆知，佢好叻，識炒白飯魚炒雞蛋喎（按此觀看）。

8 Nov 16 晨早流流，有個人仔做乜拎住支鑊鏟呢？哦⋯⋯原來係爸爸賴床唔起身，Claire 就入廚房拎個鑊鏟，打算入房鏟爸爸起身。不過，你可唔可以吞左口裡既食物先呢？

放學返黎有少少時間，Claire 有時會好有心機咁拎D書出黎唱下兒歌。不過，呢日佢太興奮了，唔知係唱定嗌呢（按此觀看）。唱完中文，好似係唱英文喎⋯⋯好似係⋯⋯媽媽係側邊偷聽緊，覺得好可愛，就偷影佢，點知佢反應係（按此）。Claire 真係個古靈精怪的小女孩，希望佢升小後，依然可以咁開朗，咁就好了。