11 Nov 16 呢日真頻繁，晨早爸爸準備返工，忽然超級頭痛⋯⋯等左個幾鐘，忍唔住入急症室，醫生話爸爸感冒所以有機會超頭痛喎。不過，安全起見，可以留院檢查。於是爸爸就入院檢查左半天。
下午返到屋企，輪到呢位小公主作病咁，睇佢個樣幾咁辛苦。卒之去左睇醫生，因為⋯⋯小妹妹嘔呀。
 |
| Claire: 媽咪，點解㧴會病架？ |
好在個時仲有工人姐姐，否則遇著爸爸入院，妹妹嘔吐發燒，仲要接哥哥放學，媽媽真係變身都唔掂。而且，呢晚，哥哥期待左好耐既學校BBQ活動舉行呀，本黎，媽媽比左錢後加妹妹參加埋一份⋯⋯點知，估唔到妹妹病左黎唔到。好可惜。
妹妹病到好辛苦，媽媽其實都麻麻地想黎燒野食，但為左Isaac，都要放下妹妹比工人睇。而爸爸係晚上，都出院返左屋企。有爸爸在家，點都放心一點點了。
所以，媽媽可以享受呢晚同Isaac BBQ的時刻。
不過，Isaac 應該享受上台跳舞的一刻囉。
沒有留言:
張貼留言