老夫子餐廳

5 Nov 16 呢日去接哥哥放學，路經商場既聖誕裝飾，有個小朋友又要埋去影可愛照。

Claire: 媽咪，我可愛D定姆明可愛D呀？

 之後，媽媽帶兩兄妹出尖咀接爸爸放工，順道之前探訪下尖東站既公園。原來尖東站上蓋有公園，媽媽之前都唔知，係最近係網上見到報道先至知。

不過，成個公園，好似得呢條爬路好玩少少。其餘都係普通遊樂設施黎。如果特登黎呢個公園玩，就唔需要了。路過黎玩就差唔多。

Claire: 唔係呀，呢度好好玩呀～～

等爸爸放工後，齊齊坐車去太子，排隊食呢間老夫子餐館。周六既下午茶時份，估唔到都要等成個鐘下。等既時候，同老夫子影下合照係唯一消遣。

Claire: 嘩⋯⋯我想食呀⋯⋯

等到三個呆左先有位⋯⋯咦！點解咁大個老夫子一齊坐架？哦，原來係老夫子頭既MENU黎。爸爸身後仲有陳小姐TIM。

TEA TIME時間，真係唔知叫乜好，因為老夫子餐廳無TEA SET，乜都要散點。D菜單名又怪，叫左都唔知係乜⋯⋯最後，我地點左呢個巨餅。

Claire: 嘩⋯⋯應該好好味架⋯⋯

 我地點左杯棉花糖飲料⋯⋯嘩，一上台，嚇親媽媽⋯⋯點解杯棉花糖仲巨過兩兄妹個頭架？

老夫子餐廳，係夠喙頭既⋯⋯不過，食物水準夠一般（相對價錢黎講），真係想醫肚，其實就唔需要係度食囉。一句講哂，食過就算了。