高班故事演講比賽

25 Oct 16 一年一度校內粵語故事比賽又舉行，Claire 身為過氣故事組成員，今次梗係參加啦。咁岩參賽故事係同佢上次係商場講既故事差不多。對Claire 黎講，應該好易上手。不過亦都係易上手，Claire 就疏於練習。所以，一上台，好明顯同平時練習係爭兩截（比賽片段按此）

正因如此，就輸左比演繹同一個故事既棽棽同學，屈居季軍。冠軍唔駛講啦，人仔細細，上到台好似上哂身咁，勁到不得了。連媽媽都聽得鄛入神，抵佢拎冠軍。

Claire: 媽媽，我得左啦⋯⋯我頭先緊張到喊⋯⋯

 其實每次比賽，Claire 都會緊張到流眼淚，佢真係好緊張有無奬。但其實乜奬都唔緊要，就算比個安慰奬佢，Claire 都係好鬼開心。因為係佢心中，只有：無奬同有奬既分別。

K3 參加者都唔少。拎到季軍真係唔錯了。

26 Oct 16 呢日同Claire 落樓下快餐店食個LUNCH，佢又要帶埋隻鱷魚，仲同鱷魚講野喎⋯⋯女孩子真係女孩子，長大了，一個人的時候，唔會再好似幼兒時代咁玩槍玩機械人；而係玩返女仔野，當哂D公仔係BB，自己係媽咪咁照顧。媽媽在一旁看著，真係覺得童真好可愛。

Claire: 媽咪，不如比碗飯隻鱷魚食吖⋯⋯