試後遊迪迪尼

2 Nov 16 呢日Isaac 考完試，換套衫接妹妹放學，Claire 極速除哂校服後（冬季校服內著哂而家個套短袖，再加件長袖就出發），我地齊齊係學校附近食個快LUNCH。咁正既日式LUNCH（而家已經好貴了⋯⋯一點都唔正），

Isaac： 阿妹，媽媽話要影張相喎⋯⋯

呢兩兄妹夾到絕⋯⋯一個望鏡頭但另一個就無望⋯⋯影左兩張，兩張都係咁。

快快趣趣食個LUNCH，媽媽就帶住兩兄妹搭巴士出發去迪士尼。每次係迪迪尼，見到STAR WARS白兵，所有遊客都好HYPER，一窩蜂擁上去影張合照。但通常呢堆白兵一般都唔會停低逐個遊客合照囉。

呢次去迪迪尼，發現IRONMAN有新玩意。可能太新，居然無人排隊。我地兩兄妹就試下玩，首先係勇士Claire，第一個舉手話玩（按此）。Isaac 本黎話唔玩，唔玩咪媽咪玩囉⋯⋯點知見到妹妹玩得咁安全咁過癮，佢又話玩喎（按此）。卒之，後黎人多，媽咪都唔好意思幾廿歲走去玩埋一份。

還有，呢日，居然撞到同學仔，因為考完試，雪盈媽媽嫲嫲都帶兩姐妹一齊去迪士尼。所以，順理成章，四個小朋友可以一齊玩。

嫲嫲好厲害，夠膽玩降落傘，仲話每次黎都會同雪盈玩。Isaac 同雪盈同學玩既時候，Claire 就同曉桐妹妹玩其它。

Claire: 其實我都想玩䧏落傘架⋯⋯

Claire:睇我幾厲害！

Claire: 我帶你去玩其它吖！

拖住曉桐，Claire 真係成個姐姐咁款。

各有各玩之後，大家聚埋一齊，玩埋木馬⋯⋯咁我地就要BYE BYE雪盈同學了。

很喜歡這幅相。次次去迪迪尼，都無機會可以三個平坐⋯⋯亦都無人幫我地影三人照。呢張影到之餘，仲要大家都好好笑容呀！