今天, 本來沒有打算寫BLOG. 不過, 深夜這刻, 還在等洗衣機中的被袋床單洗好待掛後, 才能入睡. 趁這小小空檔. 上來寫寫小事.
痛了好幾星期的右肩, 這幾天越發更痛.
連日常的穿衣, 除衣服, 碰到肩位, 都痛得很.
今天晚上, 見陳二少稍為空閒, 請求他幫忙按按.
話明是二少, 當然是少爺也: 雞手鴨腳, 十分敷衍地按了兩三分鐘. 便逕自走開----打機也.
婆仔無可奈何, 為有靠自己雙手, 不停按動那個發痛的右肩.
差不多按了兩小時, 痛的關係, 心情自然不佳. 加上少爺自離開婆仔身邊, 沈迷他的遊戲機, 連再看一眼婆仔/又或那邊發痛的肩頭都沒有, 心裡, 很不是味兒.
那個捱著痛孤單地(陳二少飛也似地跑去打機)自己按犘的兩小時, 腦海裡, 不停的浮起婚後種種的不快.
理智上, 知道這對自己不好的.
情感上, 卻控制不了. 越想, 就越覺得一直都像是在默默忍受, 忍受叔仔老爺, 忍受少爺婚後真面目畢露的脾氣, 忍受天壤之別的各自生活方式...
在獨自捱著痛楚時, 加上這種不好的胡思亂想, 惟有又讀聖經. 讓心裡那種不快消失.
愛是恒久忍耐...要忍耐到底呢.
希望, 這種愛, 不會因著外來環境或者人為性格, 讓它消失就好了.
每次心情不佳時, 都很期待回天家的日子.
當然, 這刻, 都很期待星期一做的淋巴按犘. 每次讓那師傅大力推撞. 那個右肩, 總可以享到兩星期左右的舒展.
我剛剛也大罵了我老公~他成日都唔明我~情況跟你差不多 可是~我又想,我有沒有讓他知道我的感受啦~溝通好緊要 我和你一起努力學習愛吧~
回覆刪除小小菁. 反而我唔會罵佢. 因為佢唔罵得的...佢個性格 ..罵完呢, 結果都係我睇佢black面既多. 所以我學識. 平靜左自己情緒先, 先再好似講笑咁同佢講. 咁樣佢反而聽得入耳..不過真係好難學囉.
回覆刪除你被tag 中了
回覆刪除http://hk.myblog.yahoo.com/vankii/article?mid=1591&prev=-1&next=1582
我以為只有女人婚後才會原形畢露... 同二少講啦, 你話忍啫, 我怕你慢慢變左壓力煲, 有一天受不了發更大的脾氣亞. 我看電視, 劉天賜覆述了一招 "馴夫術", 就是他做得對讚賞他, 做得不對時你不要動氣, 一於當他透明, 也不要出聲, 慢慢, 他就會知道什麼行為會受老婆讚賞. 我沒有老公, 沒有機會實踐劉生的教導.
回覆刪除麻瓜 哈哈哈 , 你咁講, 我覺得我功力都已經進步到同劉生講的差唔多了. 十個月下來, 經驗話比我知. 佢做得唔好--是話不得也. 否則發展到係唔知邊個發邊個脾氣咁. 我已經學識, 佢說話不對, 行為不對, 一於默不作聲---話之佢. 除非真係好影響我, 我至扮講笑/扮嗲咁講佢知xxx...雖然消極. 不過挺有用. 因為幫自己慳返唔少無謂的氣. 佢做得好, 我都會輕輕一句, 咁叻呀/咁乖呀. 佢無反應...不過都好過佢回我一句: 你當我係你隻狗/個仔呀, 咁讚我
回覆刪除之前我有個朋友又係話結婚後老公成個人唔同晒, 乜野家務都唔做, 重話有得選情願唔結婚....而家連你都係咁講, 唔通所有男人都係咁 ?
回覆刪除AMKIKI.無錯, 如果可以時光倒流, 我唔會結婚(住). 因為好多野唔係以前諗咁簡單. 都係單身的好, 你好好ENJOY呀. 又未至於所有男人都係咁既. 不過係大部分囉...至少我老豆都係其中一個
回覆刪除比心機呀, 婚姻係漫長抗戰. 努力呀
回覆刪除