27 Sep 10 Isaac: 做乜我摵包食你都影相架?
Isaac: 咁大碟飯我點食呀, 唔唔.....我唔想食呀
夜晚架車仔終於落地出街街了. Isaac不知幾開心.
28 Sep 10 睇得媽媽刷牙多, 而家阿仔又肯自己拎返牙刷黎刷. 希望佢肯持續落去啦.
29 Sep 10 Isaac: 食飽飽要拉下筋.
Isaac: 伸下腰無咁飽架
後黎媽媽問返工人, 至知工人整親一碟飯比阿仔食, 阿仔食到好飽所以好慢.....但工人仲係繼續比哂一碟阿仔食囉 阿仔食到好飽所以好慢.....但工人仲係繼續比哂一碟阿仔食囉, 真係無陰公, 夾硬比人質到漲哂.
呢晚有人黎整電話線. 呢兩父子就係咁八, 一齊裝人. 果然係兩父子呀.
30 Sep 10 Isaac: 做乜d頭髮咁唔舒服既
Isaac: 工人, 你又整古我......嗚嗚.....
Isaac: 嗚嗚, 我仲形住頭髮比人紮住左呀
Isaac: 比朋友仔見實笑死囉, 今次真係無面見人
媽媽問工人做乜要紮辮, 工人解釋係佢自己紮左條, 阿仔係都要扯佢個條橡筋指住自己個頭, 所以至幫佢紮喎.
26 Sep 10 呢日係 X 年一度既旅行......其實係媽媽好耐無去過遠既地方, 咁岩姨姨話屯門去大澳好快. 一於擇左呢日一齊去大澳.
可惜呢日為食(目的)的大澳之行, 比唔到我食炭燒雞旦仔, 遺憾而回呀
Isaac仔第一次坐船
未上船已經哄住個海黎望. 上左船更加啋你都傻, 繼續望海.
真係好快就到大澳.....船程都要一個鐘, 但坐慣長途車既媽媽覺得比想像中快了.
第一站先醫肚, 因為要就阿仔食飯時間. 呢日好熱好熱, 熱到溶仲要一行六人除左爸爸同阿仔無遮担之外, 個個都担住把遮包括黑猛猛既工人姐姐.
行到身水身汗就係為左食呢間所謂好出名既東方小祇園
其實稍為出色係呢個荔茸卷囉, 一 d 都唔油. 平時唔食呢味既媽媽見成枱人都讚好食, 就試下, 果然係鬆化加唔油.
婆婆同姨姨都讚好既紅燒豆腐. 話好好滑喎. 但平時食慣清淡既媽媽都嫌無乜味囉
成枱人都讚好脆既生炒骨.
成枱人都喊揾笨既鹽焗雞, 冰雞一隻....做乜要賣二百蚊, 一 d 雞味都無. 食水好深囉. 我地叫左半隻, 因為咁岩有一枱食客又係要半隻.
食完一餐飯, 又要行條好熱既路, 做乜九月尾都咁熱架, 個個都行到身水身汗, 至慘係媽媽唔記得幫阿仔裝返把遮, 搞到阿仔白曬足成日.
Isaac: 唔緊要啦, 我而家都有把遮
Isaac: 哦, 你又偷影
好不容易捱到去大街, 開始由姨姨做導遊, 帶我地一人食一個茶果. 好出名架喎
成個大澳之旅最好食係呢檔阿蘇有介紹過既無檸檬既檸檬茶. 正呀, 尤其係咁熱既天氣底下. 一人一杯消暑解渴
仲有呢個外脆內軟的奶油多. 好味好味.....而家真係買少見少呢種質素既多士. 簡直係大澳必食必飲.
Isaac: 爸爸, 我都要涼下塊面仔呀, 好熱呀.
嘆完凍檸茶, 媽媽建議行呢個新基大橋影張相先啦
Isaac: 咁曬仲要影呀?
原來行到新基大橋dou返轉頭係最好架, 我地就係無dou返番去. 一直行行行, 行左都唔知幾耐至dou返出去巴士總站個到, 個個都熱到傻左.
dou左一大堆路又行返去食車站豆腐花, 姨姨話又係好出名架喎.
阿仔食到個咀都黑哂
食完豆腐花因為之前嘥左好多時間散步, 所以都買唔到砵仔糕就要返歸了
臨走係碼頭一家三口攰到傻左既樣.
可能係大澳滿足唔到食欲, 媽媽忽然興起提議夜晚去三聖買海鮮食. 吖, 竟然姨姨同婆婆都讚成喎. 所以夜晚又好豐富, 有龍蝦有石斑又有聖子, 工人話佢未食過聖子, 可能新加坡無呢樣海鮮掛.
anyway, 呢日媽媽都玩得好開心, 不過就辛苦爸爸要陪媽媽行足一日(仲要抱住阿仔....雖然係爸爸自己想抱). 呢日行既路程係遠超過媽媽懷孕後, 每個禮拜的行既路程同時間呢. 爸爸話以後去多 d, 等媽媽行多 d 路喎.........希望下次去個度, 有多 d 多 d 同多 d 小食同好好味既野食比我食就好了.
24 Sep 10 Isaac: 唔......我呢個托頭pose係學爸爸既, 有次爸爸show比我睇好味係咁擺pose
食個生果都不停擺pose, 頭三十秒個兩個手勢都係爸爸教佢表達好味既意思.....其實媽媽唔係好明兩隻手指扮支搶咁點解會代表好味囉.
Isaac: 呢個pose 唔係有型咁解, 係好味咁解
Isaac: 嘻嘻, 我而家最鐘意坐呢個細窗台. 你睇我坐得幾高難度. 撓埋手出黎.
25 Sep 10 Isaac: 媽媽, 我想同bear bear 熊一齊合照呀
Isaac: 黎多張我自己學bear bear 熊瞓窗台既相
百厭仔呢個月最興企上呢個咁細既窗台睇風景. 好危險呀阿仔.
21 Sep 10 迎月夜
Isaac 自從工人煮爛飯仔後, 終於回復肯自己餵自己了. 媽媽真開心, 自理能力無退步. 可能之前工人煮既粥阿仔唔鐘意食啦.
Isaac: 但我食極都咁瘦既, 無左以前個肚腩呀
Isaac: 工人你同我影張相吖
Isaac: 黎多張同rody一齊影既
迎月夜要同爺爺食飯, 未出門前, 阿仔係咁著住媽媽對落雨膠鞋, 一除仲卡卡笑唔知佢笑乜.
22 Sep 10 中秋正日
呢輪阿仔食生果貪快了
Isaac: 我兩隻手一齊塞blueberry入口食得仲快過逐粒食.
中秋夜輪到婆婆一家上黎做節, 加上又落雨無得出去玩. 呢日新玩具係三輪車, 唯有係屋企踩住先. 阿仔不知幾開心. 成晚踩住通屋走.
23 Sep 10 追月夜
呢日一早本來打算去迪士尼. 點知天氣預告話有雨, 加上爸爸晨早喊頭痛, 所以唔去了. 改左同zac zac 一家係美孚見下玩下
Isaac係度裝乜呢?
其實係裝噴水池, 由細到大都仲係對水好有興趣.
睇完水水, 阿zac黎到, 先係站前玩吹波波.
Isaac 興奮到不得了, 不停追波波, 但阿zac未熱身, 好cool呀, 唔係好肯追.
兩隻細路忽然跑咁遠既?
原來係新玩意呀, 呢個對zac黎講, 簡直新鮮到暈, 忽然間好投入咁玩囉喎. 果然有要求呀.
Issac: 你唔好搶住先啦, 我想研究下點解呢個位可以卡住個支機呀
玩到成頭汗, 又熱又無風, 最後去左附近個會所玩下, 阿仔最鐘意郁動, 連行呢條橋都開心過人, 睇佢擘大口得個隆就知.
呢個大步跨上去更加岩哂阿仔口味, 有得爬高爬低喎.
不過最後都係入返indoor啦, 好熱呀出面.
zac zac 爸爸咁有創意諗到用個圈咁玩.
爸爸又趁機叫阿仔爬過去, 真係辛苦道具組既zac 爸爸.
呢日阿仔好high, 因為成間房軟墊, 仲有好多大件比佢練力, 不停咁抬黎抬去. 仲有不停咁唔知係咪特登地飛撲落地墊到, 嚇死媽媽......最後塊面係撞瘀左一撻囉.
Isaac: 好攰呀, 等我抖陣先
Isaac: 抖完又要搬過
阿仔呢日知做乜, 見親同伴都要抱人. 繼想抱同場既妹妹後, 又想抱阿zac. 當然阿仔未夠力啦, 唯有由爸爸幫手.
Zac: 咦, 做乜你兩個一齊抱我既?
呢日阿仔係有史以來最開心既一日, 仲開心過返mygym. 真係多謝zac zac 媽媽既安排
