又做大力士

3 Sep 10 Isaac: 媽媽, 我出去返工啦.

Isaac一見爸爸個袋, 就會做大力士拎黎拎去學人返工.

4 Sep 10 日頭好專心食生果.

到爸爸買左尿片返黎, 就好自覺咁做大力士.

5 Sep 10 呢日爸爸買左個燈籠比阿仔. 但你睇, 阿仔好似唔識欣賞咁.

最後實驗証明, 除左岩岩買個下會掛住拎燈籠唔記得睇路外, 返到屋企個燈籠都無哂吸引力lu.....唔知係咪 d 音樂太刺耳, 阿仔唔鐘意呢

6 Sep 10 媽媽同工人都發現, 阿仔好懶呀......點懶法? 就係要食到好好味既生果 / 零食 / 飲果汁至會自己餵自己. 但食粥仔同飲水呢, 而家變到唔肯自己食. 索性撓埋雙手做大少

Isaac: 呀......好好味呀個豐水梨

Isaac: 唔.........我係咪食得好招積呢

Isaac 少有地肯自己拎杯飲野

因為呢杯係媽媽叫工人煲既純天然無添加既竹蔗 茅根馬蹄水. 無法, 早兩周阿仔瞓得唔好, 半夜成日驚醒尖叫. 為左佢瞓得好 d, 又唔想比阿仔食咁多中葯成分既野, 不如煲 d 天然湯水比阿仔飲. 飲左下火湯同竹蔗 茅根馬蹄水, 果然一覺瞓天光呀. 所以媽媽決定以後每周都叫工人煲 呢 d 比阿仔飲, 代替其它媽媽煲既開奶茶.