10週產檢 -- 要轉介至屯門醫院

昨天終於第一次去母嬰檢查了, 今胎選左另一間母嬰院, 估唔到真係少好多人, 同埋姑娘醫生既態度都同第一胎個間母嬰院差天共地, 呢間似返個人囉....覺得自己

 

去到見醫生, 因為呢輪個心成日跳得好快好痛好急咁, 醫生用探筒聽下, 話有幾下不規律, 寫紙要轉走媽媽了.....以後可能要係屯門醫院產檢同埋睇埋內科睇下乜事. 醫生話, 一般女性平時都會有心跳不規律既, 不過因為媽媽又懷孕, 所以都係由醫院跟進好 d.

 

完左母嬰院趁仲放緊假, 即刻又搭車去屯門醫院排期, 兩周後去覆診. 計埋下周既oscar, 即係呢幾個星期, 一週請一日假, 唉, 其實唔係咁想請得咁密.

 

本來唔打算出巿區再睇私家, 點知爸爸話出去問下私家睇下個心跳係咪正常. 唯有又撲出去巿區.....呢朝真係頻撲

 

私家醫生不停話, 要媽媽增肥, 至少重多三十磅 >_< 嘩, 我唔想呀, 陀Isaac個時肥左三十磅, 放完產假返工仲有十幾磅係身, 買過哂中碼衫仲要等足一年至回復返以前咁. 呢胎諗住控制食量啦, 點知醫生狂話媽媽瘦呀, 你呢個身型無三十磅, BB 好難足磅出世.

 

每餐一碗飯, 一碗菜, 每餐六至八兩肉, 每日兩杯奶每日一隻雞旦每日兩個生果.....聽到一碗飯, 都唔知點食得落, 除非住家雲吞, 我食兩碗都仲得, 食伊面又得, 意大利飯都得. 但住家式既白飯, 無興趣囉 ~_~ 尤其係而家, 對淡茂茂既野更加無興趣.

 

照超聲波時, 媽媽好似見到細 B係仔呀, 但醫生話咁細個唔準架喎, 因為女仔開頭都有野突出黎. 要過多一個月至準.............但Isaac個時都係照oscar 時就睇到, 都係差唔多呢個timing姐.

 

細 B 生長狀況

 6wk 2d     0.57cm

10wk2d     3.40cm