17個月大了

11 Sep 10 正日17個月大, 不過無特別節目. 媽媽放工趁有精神, 帶左阿仔落會所玩. 一如以往, 阿仔鐘意拎住個波多過落波波池囉

Isaac: 我想同個兩位哥哥玩呀, 但佢地識講野我唔識, 佢地會唔會笑我架

Isaac見到其中一個媽媽玩什耍咁係咁幾個波拋上天, Isaac 狂笑跟住仲執波黎學人, 不過就只係識把波向後掉囉.

12 Sep 10 買左呢件背心成個夏天, 都未著過. 今次著起, 阿仔手仔瘦左好多喎

Isaac: 哦.....偷影

13 Sep 10

又一發茅樣

14 Sep 10 成日都唔比人影相, 一影就嘈你

不過專心食緊野例外, 因為未反應得切

 其實係咁岩影左呢張後, 阿仔又向住相機發茅了.  爸爸話阿仔越大, 做乜個鼻越似媽媽喎

15 Sep 10 Isaac: 係咩, 我個鼻似媽媽咩, 咁笑起上黎似唔似呀?

17個月大既Isaac, 除左撼頭埋牆發脾氣外, 仲有係見到相機會狂發茅要睇相睇video唔係要你影佢 @_@ 呢個月狂食大人野, 因為晚晚食飯都唔甘心食白飯, 死都要加餸落去撈埋食. 鐘意食餸多過食飯.

餵食性格越來越明顯, 好明顯來自阿媽遺傳. 爸爸話, 阿仔個胃好明顯同媽媽一樣, 有彈性的. 見到好食就搏哂命, 唔好食就少少都話飽. 媽媽同爸爸說, 阿仔好有潛質做肥仔....以佢咁餵食性格預測.

見到爸媽食緊乜都要中個頭埋黎成個身會仆哂過黎唔駛等你餵, 直接了當咬左你舊紅豆燒餅 or 糕點, 好唔客氣. 阿仔對食係敏感左, 好似阿媽咁, 出街目的係為左食, 所以阿仔見到未見過的食物, 佢都會feel到係食得, 起勢咁喉住你再爬上你大脾搶食.

17個月大的阿仔, 經媽媽早兩日粗略估計, 識講大約15個字, 唯獨雞旦係隱約講到的詞語, 其它都係重叠字.