真性情 (發脾氣同玩既樣)

7 Sep 10 Isaac: 點解杯水唔甜既....

呢日工人用私己錢買左材料整南瓜布甸比我地食, 話係印尼新年所以整野食喎. 咁大舊既布甸, 我地食左好多呀, 真係食到怕怕, 不過都好開心, 工人新年竟然會整野比我地食.....仲要係佢私己錢買既材料.

夜晚食飯, 食完一碗又要問爸爸個碗黎食. 起勢咁畢飯落自己個碗到.

熄左機後, Isaac唔小心大力得滯, 跌左兩舊飯, 比爸爸好大聲咁話........足之, 係阿仔狂脾氣好委屈咁大喊, 指住跌左既飯飯大喊想講野講唔出. 好陰公. 媽媽估到佢意思係, 自己都唔想跌左兩舊飯吖......於是乎喊完不特止, 仲大發脾氣撥走哂枱面既飯碗同spoon. 係咁執跌左飯掉落地. 爸爸呢日至發現, 原來阿仔脾氣好大.

8 Sep 10 呢日屋企停水停電一天. 唯有靠爸爸請日假, 帶Isaac周街去. 第一站係clubhouse.

Isaac: 等我企定定影張回眸照先. 

爸爸同阿仔玩波波池玩到癲. 唉, 媽媽睇返video, 真係忍唔住話爸爸, 好唔衛生架嘛 唉, 媽媽睇返video, 真係忍唔住話爸爸, 好唔衛生架嘛波波池 媽媽睇返video, 真係忍唔住話爸爸, 好唔衛生架嘛波波池, 太多病菌了.......仲要係咁把波波蓋住阿仔咀仔同面仔. 真係有流感點算.

第二站係爸爸公司, 爸爸話一去到公司, 阿仔本來好眼瞓, 都醒神哂, 狂玩個櫃.

Isaac:裝下上面有乜先

Isaac: 都係呢個岩我高度多d

9 Sep 10 一張大少發忟既樣.....事緣係比阿仔發現媽媽開左相機, 即發狂要睇相, 唔比媽媽影相.

足之都偷影到阿仔又學我地咁捽盆了, 而家沖涼, 阿仔會學我地咁, 先捽乾淨個浴盆, 又學我地用手去fing下水水睇下水温岩唔岩.

Isaac: 捽完盆係要倒水既

10 Sep 10 又一張發忟既樣.

呢日係工人話新年正日, 我地又有口福, 係工人自己買材料整既椰汁布甸同豬肉包.

 好驚訝連包都整得出, 仲要係好軟熟好好味架. 呢個印尼新年, 我完全FEEL到工人當我地係一家人咁看待囉. 好在呢晚我地都同佢出去食印尼家鄉菜, 當係賀佢新年. 唔係真係唔好意思食工人咁多私伙野