百厭女

18 Feb 12  妹妹既SIZE實在太迷你. 有時媽咪都要周圍望至揾到妹妹既蹤影. 好似呢次咁, 望黎望去都唔見阿妹, 原來自己攝左係呢條隙到.

Claire: 乜我真係咁細粒咩?

Claire: 咁咪好囉, 細細粒易呃男仔吖嘛.

19 Feb 12 Claire: 媽咪, 呢塊食唔食得架?

Claire: 媽咪話唔食得, 但我已經食左一半囉喎

20 Feb 12 呢日忙得滯, 只係夜晚幫妹妹影左幾張相, 但都好紅呀, 部相機真係怪怪地.

21 Feb 12 呢朝媽咪又要做家務, 不過妹妹一放落床就鬼殺咁嘈, 所以媽咪做家務時, 都係留妹妹係地下玩. 你睇, 呢盆衫幾好玩呢? 一野就倒哂落地.

Claire: 咦, 跌左隻襪TIM

Claire: 等我放返入去....

又衝出香港

29 Jan 12 Isaac 期待中的旅程， 呢日晨早開始， 第一站係機場架飛機。話係期待姐， 查實Isaac 只係出街， 都好開心， 返屋企都好滿足架啦。 

除左出街， Isaac 仲有樣野最鐘意， 就係食。不過呢位唔係 Isaac, 大家估唔估到呢個碗頭係乜水呢！

Isaac: 唔～～～好明顯頭先個位唔係我囉。

話咁快去到日本。係呢間OTS 租車店， 見到呢架模擬駕駛倉， Isaac 係咁嘈住要上去揸車車。但自己又唔敢上喎。唯有係下邊影張相算。

等攞車時， 一個人悶到可以玩到咁癲，阿仔你係得既。

仲自玩攤沙發。

 

以前一舊飯木獨既仔仔， 今日除左識自玩外， 影相仲好鐘意整古做怪。

 ISAAC: 我唔係 Isaac～～～～你估我係邊個

30 Jan 12 呢朝一起身,有條彩虹橋同我地SAY HELLO.  

 阿仔見過之後, 返到香港, 仲係咁提住彩虹橋呀, 仲自己砌條彩虹橋出黎比媽咪睇.

睇完彩虹, 我地去海洋博公園, 最開心係玩繩網. 前後玩左兩次. 走既時候, 仲話下次再黎玩.

玩既時候, 真係好男仔架

又扮野黎影相.

返到酒店, 大人食消夜, 不過仔仔無份, 但阿仔都無扭, 抵錫. 呢張唔係搣耳仔呀, 係Isaac 自己搣腮扮可愛咋. 成日都整古做怪黎影相.

床照

15 Feb 12 唔知係咪見得媽咪用搖控器多（其實一日都係開一次咋嘛）， 呢輪阿妹就最鐘意拎搖控器學人企係度， 㩒㩒㩒。 Claire: 點解無反應既～～～

16 Feb 12 餵野食餵足十個月， 依然係一副練仙肚， 對食一點興趣都無。呢輪媽咪已經投哂降， 一於邊食邊玩。可惜只係餵到1安半份量既杰飯， 妹妹就唔肯食， 仲要發哂脾氣拍枱掟野為左可以再食多一兩啖（無錯， 真係多一至兩啖架咋， 好過無啦， 唉）媽媽跟住會抱阿妹落地下，  等佢好忙咁玩緊時， 再塞多啖飯入口。真無陰公。雖然媽媽都明， 咁好唔健康。但媽媽已經學識左， 乜野叫做取捨。之前就係我地太堅持要妹妹跟我地個套好健康既定時定候同唔食就收檔既飲食習慣， 卒之十個月， 依然改變唔到阿囡， 就唯有我地大人改變下， 寧願妹妹食多少少啦。

食飽飽，又到哥哥瞓晏覺時間了。呢日哥哥忽然話要瞓妹妹個位， 你睇下， 兩個堆埋一齊， 係玩多過瞓。

睇個樣， 係哥哥冧D囉。阿妹掛住食手。

Claire: 唔係呀， 我都笑到好冧架

Claire: 不過我唔捨得放開隻手。

哥哥： 哈哈， 你唔好咁啦～～～       Claire: 吖～～我扣喉呀

兩兄妹， 真係見到佢地玩成咁， 都替佢地開心， 希望佢地大個左， 無左爸媽係身邊， 可以KEEP住咁好感情啦。

17 Feb 12 牛精樣， 推住呢架車仔黎行， 會自己咭咭大笑。不過只有哥哥返左學， 至可以推咋。因為哥哥唔會比妹妹玩呢架車。

Claire: 等我睇下點解架車會郁既先～～

Claire: 我諗到點解架車會郁啦～～

百厭星手指指

13 Feb 12 Claire 係一個好百厭又好動既女仔黎, 睇下點百厭? 就係鐘意倒哂成地玩具.

Claire: 等我睇下...少少姐....

仲有係推爸爸個keyboard落地仲要加對腳上去踩.

呢晚, 仲比媽媽發覺佢踩上個盒到, 畜意摷電視櫃既野.

14 Feb 12 呢兩日, 媽媽忽然發覺囡囡識得手指指口up up. 不過媽媽聽唔明阿囡你講乜野bb話呀. 其實你想指乜呀?

情人節, 媽媽幫妹妹著鞋, 諗住食飯飯. 不過阿囡好明顯唔鐘意有野著係對腳到.

15 Feb 12 Claire: 你唔明我指乜咩? 我指你咋

Claire: 你睇下, 張凳底甩紙呀

十個月, 最叻係扮嗲扭計. 你睇下, 又要唧眼淚出黎要媽媽抱抱

好七情上面架, 唯獨係無眼淚囉. 扭足十個月, 媽媽識穿左你啦. 喊到鬼殺咁嘈但一滴淚都無. 玩死人.

聖誔遊玩

懶媽媽又係時候補返ISAAC聖誔既遊玩記先。

唔記得邊日， 一家大細去朗豪坊影相。你睇，有仔女萬事足既爸爸同獅子座影相。

Isaac: 好悶呀， 無姐姐陪我玩既
Isaac: 我正唔正經呀？
Isaac: 我仔細鐘意貓， 你睇我幾咁嗲咁摸住隻貓。
Isaac: 唔。。。。大個仔時， 好無養返隻貓呢
細路仔影相好悶既， 一見呢堆野， 就郁手郁腳。



跟住又有日， 約左同仔仔仔細認識既四大天王出黎。你睇JASPER 企得幾咁老積。
不過Isaac 都係旨在跑黎跑去。
最鐘意就係玩引體上升。
Isaac: 哈， 我無力啦

嘩， 終於有女仔陪Isaac 玩了。
第日， 仲走去BB屋企GATHERING， 大仔既 Isaac, 一見呢架車， 就要坐落去。
不過都唔及得同姐姐一齊玩咁HAPPY。
Isaac: 點解呢隻WINNIE THE POOH 咁矮既？
臨走， 同棵白色聖誔樹影返張合照先。不過隔離有幾隻狗係咁吠， 所以仔仔要掩住對耳黎影。

估唔到就黎三歲既仔仔， 記性好左好多， 又或者表達能力好左。咁耐至拎返相出黎寫， 仔仔居然記得係呢個GATHERING， 有個叫巫婆姐姐既人嚇喊佢。呵。真係唔可以低估小朋友既記性。