極度泥hea + hea 爆沖繩之旅 Day 4 (part 4)

1 Feb 12 

好快咁遠眺完海中展望塔後， 我地就驅車去泊いまゆち買刺身食。不過妹妹同哥哥瞓著左。媽媽自願留低， 由爸爸入去參觀順便掃刺身比媽媽食。 
嘩， 好多刺身咁喎， 仲要好平呀， 正。

成舊吞拿魚， 人多就岩

我地人少少， 爸爸話買呢D至岩我地人少少又唔駛切。

爸爸買左一份海膽， 不過媽媽覺得一D都唔好食， 北海道個D鮮甜好多。呢度個D好似有點兒臭咁。

返到酒店， 又係貓頭鷹出現既時間了。又咁夜， 仲要同小朋友沖完涼至可以再出去食晚飯。

呢餐， 媽媽懶醒咁， 話一定要食SHABU SHABU， 點解？ 因為之前去幾次日本， 都無機會食地道和牛， 長腳蟹懷石料理個D。沖繩出名黑毛豬， 梗係要食啦。不過懶醒既媽媽， 之前係香港SEARCH定日本人評分最高既燒肉店， 卒之揾左呢間。個名好似同香港人必去個間燒肉店差唔多咁既。。。。。

又係無乜食客， 不過又係全部日本人黎。信日本食評網架啦。

旨在試下SHABU SHABU， 所以只係點左一人份。右邊係蒸籠既SHABU SHABU， 食哂至後悔無點右邊個隻囉。因為SHABU SHABU 其實同打邊邊好似無乜分別咁。

呢舊黑毛豬既五花腩， 無人敢食， 最後迫爸爸食左。。。。。

豆漿味既SHABU SHABU， 其實食唔到豆味囉

散點既豬毛豬腸。

兩隻汁， 加左落肉同菜到， 都幾好味， 不過唔及佢一人一碗既高湯咁好味。高湯話可以當茶咁飲埋喎。

黑豬薄切同左邊好難食既散點魚豆府前菜。D 魚難食係因為好桔口呀。不過黑毛豬真係好嫩。

散點既炭火黑毛豬排骨， 好正呀。正係因為一向唔鐘意食呢種骨既媽媽， 都覺得佢D肉好稔。

爸爸整緊散點既黑毛豬軟骨， 似唔似刀削面咁呢 呢個豬軟骨好正， 因為啖啖都咬到軟骨， 好有口感。

好似係叫海澡。只會係無污染既海水生長， 係沖繩特產。滾水滾一滾就食得， 幾好味。

返到酒店， 又到消夜時間。見唔見個三隻大到不得了既帶子呢？爸爸剪黎做刺身。

吞拿魚同呢隻好好味～～～好抵呀。真係未試過去日本， 食到咁多咁平既刺身。