極度泥hea + hea 爆沖繩之旅 Day 4 (part 2)

1 Feb 12 離開左殘波岬, 我地驅車向萬座毛出發. YEAH YEAH YEAH, 時間尚早, 媽媽心情寧舍開心, 滿心以為呢日行程可以好快完結, 就可以睇櫻花. 殊不知又係一場空.

哥哥: 嘩, 後面個大象石好得人驚呀    爸爸: 我攬實你咪唔驚囉.

海天一色係咪咁様

係人必影既景點. 其實真係幾細下, 預半個鐘行程都夠囉

係萬座毛望落去, 見到好多珊瑚係海底架, 可想而之, 海水真係好清,

唔知係咪折射, 沖繩既海望落係兩隻色, 就係藍同綠咁.

話咁快就行完萬座毛, 準備啟程去食飯了.

今餐食乜? 就係爸爸隨手揭到一版書, 好似近近地, 本書講到當地人要排隊食喎, 好似幾好咁. 一於試下.

妹妹: 知唔知我地去左邊度食晏?

妹妹: 咪就係呢間囉. 向海架, 不過媽媽同婆婆話麻麻地喎.