少有地好瞓

29 Jan 12 呢日係Claire 第一次外遊, 爸爸媽媽之前仲諗緊, 會唔會要媽咪半夜抱足一晚黎瞓呢? 殊不知, 去足咁多日, 妹妹就好瞓足咁多日. 從未試過媽咪可以一覺瞓天光, 正呀. 爸爸話, 莫非以後成日要黎沖繩?!

Claire: 話咁快我就衝出左香港囉.

30 Jan 12 朝早七點鐘, 仲好好瞓架. 如果阿囡你日日都係咁就好囉.

瞓飽飽同哥哥玩, 哥哥由細到大, 最鐘意抱妹妹.

不過Claire 就麻麻地, 成日都一掌推開哥哥.

呢朝我地食早餐, 都比Claire一齊食----牙仔餅. 因為阿妹無耐性, 唔可以坐咁耐, 唯有比手餅餅塞住佢把咀. 等佢咪搏命大叫, 仲要叫到好似喊咁, 只係一滴眼淚都無.

Claire: 做乜影我啜牙仔餅呀?

31 Jan 12 一副惡死樣, 一坐落CARSEAT 就搏哂老命係咁大叫大喊. 媽媽耳都聾埋. 點解阿囡你咁唔坐得架?
Claire: 你唔見我一副嬲霸霸既樣咩?

爸爸: 唔好嬲啦, 抱你落車影下相喇.    Claire: 咁我勉為其難陪你一齊HI 啦.

Claire: 阿媽, 你隻手阻住鐘頭呀

婆婆: 望鏡頭SAY HI 啦.     Claire: 我牙痕想咬手多D 喎, 你HI 埋我個份啦.

唔知點解, 定阿媽覺得自己個囡特別靚, 一路都額係覺得Claire 好似鬼鬼地MIX 咁. 唔知其它人係咪都咁覺得呢. 呢三日, Claire 真係好似瞓返過往十個月未瞓夠既覺呀. 日頭瞓三次, 每次平均都可以超過半小時架, 跟住夜晚又可以一覺瞓到翌日六點幾七點. 真係好了. 唔知係咪瞓得多, 去完旅行, 好似覺得妹妹肥左少少. 希望返香港, 唔好又瘦返啦.