真情妹妹

18 Mar 13 Claire: 我第一次餵獅子同大笨象呀




Claire: 仲有, 第一次黎九州. 時差好辛苦呀, 朝朝香港時間七點就要我起身~~~

Claire: 嘩, 唔好食我呀,爸爸你一定要攬實我呀~~~

Claire: 我第一次餵馬蹓仔

Claire: 我份人好真架, 無論去到邊, 都用自己最舒服既方法坐.

Claire: 嘩, 黎到日本百貨公司, 有Hello Kitty 車車坐呀.

19 Mar 13 Claire: 都話我去到邊, 都會真情流露, 用自己舒服既方式坐囉. 你咪大驚小怪至得.

Claire: 哥哥, 跟我黎吖.....

Claire: 等我學哥哥做 v 字手勢先

Claire: 媽媽, 點解我做唔到既.

Claire: 嘩, 哥哥, 你唔好跑咁遠呀

Claire: 媽咪, 我想食雪糕呀

呢張相個景好靚呀. 我地一家三口, 好幸福咁款. 可惜爭爸爸入鏡.

九州之旅 DAY 5 (回港篇)

20 Mar 13 行程最後一日, 又係落雨. 莫非我地同日本結下雨緣? 除左第一次去北海道外, 其餘去日本都係有雨既日子. 

未同博多JR站影相. 雨天一攝. 

 又落左地下街揾西式早餐食. 

兩兄妹既面句. 件黃色應該好甜, 阿仔食完, 又話要食多件. 


爸爸媽媽既早餐. 媽媽見佢個熱狗係推介, 梗係叫比爸爸試下. 

呢日我地無行程. 只係好HEA咁周圍諗下去邊. 後黎我地諗住行下街, 再去食博多出名的一蘭拉面. 卒之又係賴野了. 點賴野? 媽媽無做功課架, 只係向日本上網SEARCH一蘭, 見天神有一間, 話係地鐵出口喎~~~~~咁就去天神啦, 點知我地諗住順便DOU下佢地下街, 但原來地下街無乜好行(無野岩我地行), 所以, 由地下街東一, 行到西十~~~~媽媽再望下地下街幅地圖. 原來爸爸一直諗, 地下鐵13出口, 同地下街西13,  係兩個大不同方向黎架~~~嘩, 但我地嘥左好多時間了. 因為地下街真係好長好長. 所以, 我地又DOU返落東三既地下街出口, 揾到地鐡站出口13了. 

但一出去, 點解無一蘭架, 又話快可立隔離有~~~~原來唔係快可立隔離. 問左一間店東, 原來係個度有個不明顯的小巷 (但媽媽其實都入左一條小巷架, 但入個條, 係相對叫做顯眼小小既巷, 而一蘭係唔講都唔覺有巷既巷入邊)

由呢條路, 唔知想唔想像到, 呢條小巷有幾明顯, 容易揾到轉入去呢, 真係唔熟路都好易行過. 

一蘭就係盡頭

一人一格, 阿仔覺得好好玩, 成日問點解前面塊窗簾仲唔放落黎. 

原來一蘭既秘密醬料係辣醬. 媽媽又賴左野, 兩碗都有叫, 一碗仲要加倍醬TIM. 

成碗拉面, 好唔好食見人見智. 媽媽就唔識欣賞了. 已經選左鐵鋼, 都仲係淋PEI PEI 咁. 

食完拉面, 又遊車河返博多. 時間已經係下午一點. 幾勁呢, 又一証明我地真係HEA到嘥時間. 成朝食左碗拉面, 乜都無做過. 

係博多地下街有條叫博多小徑, 比呢個和菓子吸引左

店員就士多啤梨個隻係推介, 但媽媽都係買左綠茶味. 

食完就坐係地下街等爸爸拎行李返黎, 一齊去機場了. 跟住比爸爸話, 又話去行下街, 點知淨係食~~~~

好, 上左飛機, 呢次兒童餐好吸引呀. 

不過呢次坐飛機, 感覺又好似比人岐視咁. 一上飛機, 有個空姐走黎問阿妹兩歲未, 媽媽答未夠. 跟住空姐再問, 咁買左BB飛未. 媽媽心諗, 你傻既咩, 未買飛, 我點過五關斬六將上到你呢架飛機呀. 

好, 跟住再到比飛機餐, 派餐空姐又問媽媽, 係咪份兒童餐之前訂左架~~~~(意思係, 要DOUBLE CHECK媽媽份飛機餐犠牲左, 自動改左兒童餐, )媽媽答左之前訂兒童餐係比BB後, 空姐至比份餐媽媽. 

駛唔駛咁呢~~~~咁大間公司, 都咁緊張一份飛機餐? 食多左你一份餐又如何呢? 唔通未夠兩歲既小朋友, 坐飛機一定要食BB 食物, 即一樽樽一PEI 個D 咩

落機了. 我地架超蚊型機, 係路中心落, 坐巴士接駁返去機場. 好少可可以咁近鏡影到成架飛機架. 

九州之旅, 告一段落. 多謝爸爸

九州之旅 DAY 4 下 (門司港 . 屋台)

19 Mar 13 食飽飽, 去門司港最後一站 - 鐡道記念館. 呢個係專為阿仔而去既, 因為阿仔好鐘意睇車車, 尤其係唔同類型既車. 


門口就有架巨型火車. 

呢D好似日本七十年代拍戲個D懷舊火車咁

呢架車咪睇佢咁先進既外型, 原來仲老過爸爸媽媽架. 

其實火車得幾架. 不過廿幾蚊港紙入場費, 算係咁啦. 有時間咪黎囉. 裡邊有個兩兄妹玩到唔願走既兒童遊樂間. 有路軌火車. 

 仲有好多博多周圍都有得賣既火車玩具. 不過唔係度POST相. 

博物館入口有架最舊既火車, 仲有以前既人係度賣便當. 

Claire: 佢地係度做乜呀?

係博物館又HEA左一輪, 我地至去隔離個迷你火車到渣火車. 300YEN三個人坐. 真係自己渣架. 

嘩, 點解司機會企係度架

玩完哂行返去SHOPPING MALL時, 路經一間類似街巿物體, 門口有博多士多啤梨賣. 好似好大粒好好味咁, 但爸爸話唔香喎. 加上我地以為返博多會有超巿, 所以無買到. 

係SHOPPING MALL 呢間話賣HONEY 既店, 叫左客蜂蜜雪糕, 但食唔到蜂蜜味. 爸爸叫左個蜂蜜窩夫. 窩夫淋既, 蜂蜜係淋上去. 有少許揾笨感覺

門司港SHOPPING MALL 有呢個手信賣. 旅遊書有講, 話好味喎, 又特別. 所以我地又比旅遊書呃左, 買左返去. 

臨走, 無啦啦見到碼頭噴水, 其實唔知噴乜. 

門司港掃返去既香蕉手信. 旅遊書話門司港既香蕉手信出名吖嘛, 又話又香又甜. 但暫時食剩最大個合, 全部都唔好食架~~~~有緣見到呢篇BLOG既人, 去到門司港真係慳返好過. 

夜晚, 我地梗係要去屋台食下. 話係全日本最出名既大排檔黎喎. 路經呢間梅乃枝餅, 好似話係九州都幾出名下. 買個黎食. 

其實同香港既豆沙餅有乜分別呢下. 

 旅遊書又一呃人傑作. 

好, 行到去屋台. 拍戲見到既大排檔. 

成行成巿. 

好不愉快經驗. 話說我地見有一間好似都幾多人坐. 又有兩三個位剩. 正當我地想入去時, 有個日本人攔住爸爸唔比佢入. 問佢係咪CHINESE, 我地答係. 佢就找隔離店既人再審我地. 問我地係咪一人一碗, 係咪食拉面. 問完之後, 迫我地去隔離店. 唔比我地入我地原本想入間店. 當然, 隔離店審我地個位, 係講國語既. 

媽媽心諗, 係岐視定點呢? 唔比中國人入你間店食野既咩? 定係之前既中國人香港人入到去大大聲嘈, 幾個人SHARE一碟OR 一碗, 佢唔鐘意, 所以揾隔離店審我地係咪一人叫一碗拉面, 至做我地生意呀. 

係受盡岐視既情況下, 我地屈埋左一邊食呢間大排檔. 

 爸爸當然好唔老黎啦, 因為又迫又窄, 食得好辛苦. 

食完, 係附近見到棵白色櫻花. 我諗日頭呢條街, 應該好靚. 因為有櫻花仲有地下好多鬱金香. 

是晚無消夜. 因為返到博多都好夜. 百貨公司都關門, 揾唔到生果買. 爸爸就買左呢兩樣返酒店. 杯綠茶雪糕正到呢~~~~好好味呀. 不過媽媽靜靜雞吐返朱古力粒出黎, 嘻嘻. 媽媽都係鐘意苦到苦苦既緣茶多過混左甜甜既朱古力. 不過對其它人黎講, 呢杯混左甜朱古力既雪糕, 可能味道岩岩好. 

九州之旅 DAY 4 中 (門司港)

19 Mar 13 由別府坐左成兩個幾三個鐘頭車， 我地終於返到博多附近既一個景點， 就係門司港。黎到門司港， 媽媽話梗係要到景點之一既古老車站影相喎。就係因為佢古老， 所以維修中。又激氣， 白行一趟。

離遠已經望到佢圍哂板。

算係最近照了。係咪好殘好古老呢。入埋個便所， 其實都無乜特別姐～～～

反而車站對面呢座野仲靚喎， 仲要門口有棵櫻花。
好在車站同其它景點都好近， 不外十分鐘路程。我地夾岩時間， 就去睇音樂橋開橋了。

未開橋既橋樣。

可能之前係荷蘭都睇過， 所以呢次覺得好悶， 不外如是。不過叫做黎到， 又無理由唔睇， 加上小朋友未睇過， 對佢地黎講， 簡直係新奇玩意。

開橋時間係1點， 閉橋時間係1點20分， 媽媽諗住開完橋有20分時間， 諗住周圍DOU下啦， 點知， 佢個關橋時間， 係一開完就即關。

橋既另一端， 即反火車站方向， 又有呢座野，又係靚過景點火車站， 嘻嘻。旅遊書地圖寫住係國際圖書館。

係呢個圖書館隔離， 旅遊書話呢間野， 係門司港賣香蕉旦糕手信最齊全既店黎～～～好明顯本書係呃人既。我地岩岩去到門司港， 第一個手信店入去， 就係咁買～～～後黎係門司港間SHOPPING MALL 見到地下個層， 成層都係賣手信， 仲多過呢間手信店呀。

就係呢間手信店了， 係SHOPPING MALL 中間。對正個海。好易揾。裡邊買手信仲方便， 又唔駛行到咁邊， 去旅遊書講個間野喎。


門司港碼頭必影景點。

呢日， 媽媽明明諗住食拉面， 點知行到去， 原來店主發燒， 休店一天， 又白行一趟。呢間拉面， 係日本當地門司港， 評語好高架。

無緣食佢。臨時臨急， 爸爸又唔想食刺身了， 所以， 睇旅遊書食乜啦， 就選左呢間， 話係出名食瓦燒喬麥面

我地被安排坐係呢隻透明玻璃隔離， 下邊瞓左隻鱷魚骨。可能係透明玻璃， 妹妹行個時好驚， 喊哂口咁唔敢郁， 好好笑。


 睇呢SET 野加埋座位， 就知呢餐又係唔慌平。

叫左單人份既瓦燒喬麥面加多廿幾蚊港紙， 要左個餐， 就係前邊一盆三格既天婦羅， 飯， 同埋漬物。

除左媽媽唔識欣賞呢個瓦燒喬麥面， 其它成員包括妹妹， 都話好味。

旅遊書話呢間仲出名食河豚刺身架喎。爸爸話要試。不過呢碟要成二百幾蚊港紙。食落又真係幾好味。不過唔算係上癮個D 囉。鯨魚刺身好食好多。

除左呢兩樣， 我地仲叫左個天婦羅茶漬飯， 睇下， 一家三口幾投入倒茶。


食飽飽， 再向門司港既鐵道館進發。