開心的一天

24 Feb 13 呢日媽媽安排好一天行程, 第一站係去參觀謝多夫號, 話係最大最古老既帆船. 黎香港開放三日比人參觀.

Isaac: 媽媽, 我地渣船船呀.

不過人多, 加上Isaac 開始眼瞓. 唔係好想同水手影相, 係爸爸夾硬捉佢一齊影. 不過背景係架船, 睇落又幾靚喎.



Isaac: 呢架船好大架, 好多帆, 好似我張開手咁.

第二站, 係去太空館睇飛龍戲. 不過三歲以上至可以睇, 所以唯有派爸爸同Isaac親子下, 媽媽就係附近照顧妹妹.

之後, 第三站係去海港城影朱古力. 嘩, 咁大對刀叉, 莫非想切埋兩兄妹食?

Isaac: 媽咪, 你睇下我同阿妹幾乖!




Isaac:嘩, 呢隻bear bear 拎隻碟好低呀, 我企得好辛苦......

連朱古力床都有? 如果屋企張床都係朱古力, 兩兄妹實蛀牙都似.

其實落黎影朱古力, 聽爸爸講, 係阿仔想同呢個公主影相. 由兩兄妹行為所見, 異性相吸, 係天生架.

 Isaac: 你唔好咁話我啦.

影完相, 都四點幾了. 返到屋企又要同兩個沖涼, 究竟幾時至可以自己沖涼, 等媽媽小休一陣呢 Isaac: 沖多幾年先啦, 遲d你想同我沖涼都無呀