話說呢副眼鏡係聖誕節有個姨姨送的, 不過妹妹一直堅拒帶, 因為話痛痛喎. 但唔知點解, 呢日又肯帶喎. 咁睇, 又好似幾靚女喎.
6 Mar 13 呢日媽媽帶妹妹去公園玩. 玩完等緊電梯, 有人咁企. 學哂大人咁款. 究竟係邊個咁老積呢?
16 Mar 13 呢輪Claire 八點鐘醒, 不過轉頭又話要瞓. 可惜每朝媽媽都要送哥哥返學, 搞到Claire無得瞓. 呢朝, 媽媽見阿妹病左, 索性由工人帶哥哥返學, 媽媽就陪妹妹再翻瞓. 叫佢合埋對眼, 估唔到Claire 合埋對眼不特止, 仲要用手掩住塊面仔, 咁就瞓著左. 莫非佢驚自己對眼會彈開左, 所以要加埋手仔幫佢合埋眼?
不過呢個樣, 就令媽媽諗起, 當年陀佢時, 妹妹個胎樣一直唔比我地影到, 就係因為佢成日用手遮住, 搞到我地當年照好多次4D都睇唔到Claire個樣, 原來胎兒習慣, 到BB時, 都仲係會保留架喎. 哈哈. 
沒有留言:
張貼留言