一家貓頭鷹: 九州之旅 DAY 2 上 (別府地獄組合)

17 Mar 13 行程第二天, 我地大概八點幾起身. 明明爸爸之前個晚大大聲話呢朝六點起身, 八點出發. 點知八點要媽媽叫醒佢. 不過算啦, 爸爸黎緊幾日都做司機, 好辛苦架, 所以媽媽編行程時, 都係預八九點起身. 最緊要休息夠.

起左身, 酒店附近無乜餐廳選擇, 我地索性行去博多JR BUS TERMINAL 地庫揾食, 原來BUS TERMINAL 同板急地庫係互通的. 早知一早係板急個JR大入口入去算, 唔駛吹風又唔駛上上落落行電梯走進BUS TERMINAL等等.

行勻成個地庫,都無乜心水, 求其揾間食個西式早算.

唔記得影招牌, 阿妹同叔叔公仔影相, 應該實認到邊間掛.....食完至見斜對面間牛肉飯勁多人等位~~~早餐喎, 咁呢間牛肉飯一定係好好食啦. 咁晨早流流就企哂等位食牛肉飯...可惜又無影相. 不過影住呢隻叔叔公仔, 斜對面就係間多人食既牛肉飯店.
DSCN5978

求其揾間醫肚, 佢賣點係咁大舊包.....初初以為係旦糕, 問下店員, 佢話係包喎.

有幾大舊? 睇下呢張相咪估到.

呢個包係後來再加單既, 面個層原來唔係JAM, 而係咸咸地, 媽媽估係明太子, 不過食完忘記問店員係乜東東.

媽媽ORDER既, 呢舊包話係全店NO 1 喎.....少少甜甜地...所以食食下, 比阿仔KO 左 (明明佢食緊爸爸個舊無餡包架嘛)

醫飽肚, 我地繼續出發, 越過JR博多駅, 去到BUDGET 店取車, 因為TOCOO OFFER 呢, BUDGET 店租車最平, 無計, 媽媽成日貪平嘛. 租三日車, 多謝14145YEN 包埋兩張CARSEAT喎(CARSEAT好似每日計唔知加1000YEN咁上下)

呢架車, 陪足我地三日. 爸爸話舊款車黎, 因為五年前, 爸爸媽媽去北海道, 坐既車EXACTLY 呢架. 爸爸咁都記得, 好叻. 媽媽係車白痴, 完全無印象.

好, 開車出發. 離開博多巿, 我地跨縣去大分了. 車程要 1 小時 48 分....嘩, 成兩個鐘車程, 真係辛苦哂爸爸. 臨出發睇FORUM, 好多人話計車程既網址時間唔一樣.....不過媽媽去親日本自駕的話, 只會用NAVITIME, 經驗所得, 現場再入GPS算出既路程時間, 係百分百準. 除非忽然慢駛或超速又或塞車. ANYWAY, 一上車輸入目的地, 所需時間, 同未出發時係NAVITIME CHECK到既一樣. 所以呢個WEBSITE, 對預行程都幾好用.

我地磨到成十一點至出車, 所以, 一去到大分, 揾間餐廳醫下肚先. 大人唔食, 小朋友都要食架. 本來諗住去晴海二樓間海鮮料理えいたろう既, 但呢日係周日, 加上我地成一點二至抵達, 駐車場滿左, 附近又揾唔到可以泊車既地方. 唯有失望折返.

好在媽媽一早揾定幾間選擇姐, 食唔到晴海出名既天刺定食唔緊要, 我地即改路, 去另一間滿受日本人推介既料理店 --- 大和田鮨. 嘩, 正到暈.

DSCN6003

好傳統FEE既日本屋.

一開門, 全部日本人係度吹水, 嚇到媽媽唔敢入去, 要等埋爸爸一齊先.....因為太地道啦, 哈哈哈.

係日本壽司店, 點都要叫一本旦卷, 係比小朋友既. DSCN5992

成隻長碟咁長既旦卷, 好少見, 仲要好厚架.

跟住求其叫客特上手握壽司, 2500YEN DSCN5996

碗湯好清好好飲. 媽媽最怕飲好濃既味精既味嘈湯. 但呢碗完全唔係. 媽媽仲係咁餵比妹妹飲TIM. DSCN5997

呢碟正囉, 正到暈左係度....係大分特產既魚黎....嘩, 食左一件之後, 媽媽係勁後悔~~~~叫左特上個款壽司既, 因為呢碟都係3500YEN之嘛. 相差一千YEN, 但呢碟係厚好多好多, 仲要係好少可食到. 仲有, 食完之後, 媽媽至知, 乜野叫新鮮既壽司, 真係鄉里. 原來爽口彈牙, 至係新鮮. 正正正, 食完呢餐, 媽媽仲不停回味.... DSCN5998

求其點既茶漬飯.......一上枱, 嘩嘩聲, 媽媽從未見過咁鮮紅色既吞拿魚呀. 仲要係無筋既拖羅. 呢碗飯, 2000 YEN咋. 咁比較之下, 真係個碟特上, 實在係無必要叫囉. 咪睇咁少野, 一家四口, 食到攬住個肚走. DSCN5999

我地初初諗住唔飽再去地獄谷食啦, 點知飽到去到地獄谷都唔駛再揾野食LU.

一齊食飽飽, 再坐陣車車去地獄組合. 其實對呢個地獄無乜興趣, 因為係北海道都叫做睇過下. 但呢個地獄組合, 話係列入國家名勝喎......咁即係要到此一遊啦. 不過之前好努力做功課, 每個入去地獄組合既人既事後感, 都係話好悶好悶同埋好悶........因為八個地獄湯都係不外如事. 有見及此, 加上我地有兩個小小小朋友同行, 行程一定比其它人慢十倍. 所以, 媽媽事前已MARK定, 只睇三個特別既....特別有動物睇同埋噴出黎既, 就係山地獄, 鬼山地獄, 同埋會噴温泉既龍卷地獄. 雖然懶醒咁....但事後, 都係未能成功睇哂三個......

一去到地獄湯, 就落雨. 令我地行程慢上加慢. 既然TARGET左去龍卷地獄, 而龍卷地獄噴出時間, 係有限制的. 所以我地一去就先去龍卷, 問下職員, 幾點有得睇噴發. 點知話剛剛開始, 仲有兩分鐘左右會完. 下一節係半小時, 每隔半小時會噴三分鐘. 所以, 爸爸決定睇一小時後既噴發.....所以, 趁呢一小時, 我地先去山地獄同鬼山地獄睇.