追女仔? 學校旅行?

23 Feb 13 等到頸長, 呢個學期終於有學校旅行了, 亦都係Isaac 第一次參加學校旅行. 所以, 之前Isaac 一直好多問題, 又問點解唔係瞓酒店, 又問點解唔駛坐飛機. 因為係佢印象中, 旅行= 我地坐飛機去旅行,住酒店.

學校通告寫住叫人預備午餐. 因為去到山卡那咁遠, 估個度小食部排隊都好耐. 所以呢日, 媽媽六點起身反轉廚房, 整左四味
有飯有肉有菜(粟米冬菇釀雞翼)又有甜品,算豐富掛. 好過食薯片啦.

旅行第一站, 係佐敦谷公園, 先玩親子遊戲. 由廿個爸爸拎住塊布, Isaac係上面行.


行行下有點驚喎. 上邊條片係影影下至拍, 睇唔出阿仔有幾驚tim


行完布, 等等等~~~~等大家玩完時, 有個鐘意Isaac的女同學走黎撩Isaac玩.

Isaac: 你唔好扯我件衫啦~~~~

玩完草地去玩遊樂場, 呢條平衡木真係好搞鬼,媽媽覺得兩個好似行刑多d囉.

呢個千秋仲搞笑, 未見過. 睇Isaac玩得幾咁開心.

第一站好快完, 跟住去第二站蕉坑. 我地一到埗先開餐. 開完餐, Isaac 即飛奔去揾佢鐘意既女同學, 呢輪成日話要同佢結婚, 又話要保護緹緹喎. 連媽媽都唔要, 真傷心.

Isaac: 我都會繼續保護妹妹架. 緹緹: 點解忽然多左個第三者架.

跟住, 成程都要跟實緹緹, 一唔見左呢個女同學, Isaac 不停口咁問, 緹緹去左邊呀, 我要揾佢呀~~~~~暈.

總括黎講, 呢次旅行好開心. 不過 Isaac 似追女仔多過去玩囉.