謝多夫號. 朱古力展

 

24 Feb 13 呢日, 謝多夫號訪港, 話係全世界最大最古老既帆船. 媽媽梗係要去下, 因為屋企有個小朋友超愛呢D公交嘛. 去到點知要攞籌, 我地至可以拎到當晚八點飛. 唉, 心都灰埋, 八點喎, 而家至係11點.白行一趟. 正當媽媽同妹妹去換片片時, 爸爸居然拎到路人讓出的兩張飛, 仲要係即場既12點九. 嘩, 估唔到爸爸咁叻喎. 抵錫. 

 一上船, 同水手影張相先. 

架船真係好大囉. 又多人, 都唔可以點影到靚位. 仲要傻瓜機影唔到佢全相. 我地又趕時間, 因為媽媽安排左哥哥去太空館睇1:30分場戲. 趕頭趕命咁叫做上船到此一遊. 行勻船頭船尾, 我地就走了. 

趁哥哥同爸爸去太空館睇戲時, 媽媽就同妹妹影下相打發時間. 

Claire: 我呢個pose夠唔夠自然. 

Claire: 媽媽, 影完相可唔可以食呢舊旦糕架. 

Claire: 做乜抱我坐上黎架, 我有d驚呀

睇下爸爸, 笑得幾開心. 莫非有女萬事足?

影到咁上下, 出左去海港城打下鼓. 睇下阿妹打得幾投入.