大小姐好攰呀＠天暉路室內兒童遊樂場

22 Feb 14 周六無節目， 之前個周六去左公園，今次就應哥哥要求， 再去天富玩。今次一入到天暉路體育館室內兒童遊樂室， Claire 一個箭步一個人力量攀左上呢個圓山到霸實唔郁。真係睇住佢體能一日比一日進步好多。媽媽老懷安慰， 無以前個種擔心佢太細粒追唔上了。

玩慣玩熟， 落左山， 仲走去霸住架船。唔知呢個PAT 係邊個既呢可？

Claire: 乜姐， 我仲當埋呢張係彈床TIM 呀。

跳到佢副得戚樣吖， 真係想摵佢一下。

Claire: 哈哈， 你唔好摵我啦！ 我其實好可愛架。 

Claire: 比個側瞓樣引下你， 係咪冧死左你呢？

 人仔細細又學人推大碌。

Claire: 唉， 好辛苦呀～～～

玩玩下， 忽然嬲霸霸坐係度。唔知嬲乜呢？

Claire: 其實我係好攰呀！

Claire: 好攰好攰呀～～等我浪下對腳先啦。

睇見Claire 扁起哂咀仔， 嬲霸霸咁樣， 就令媽媽諗起以前自己細個都有一張咁既相。不過張相已經唔知去左邊了。無得對比返TIM。