錦田鄉村俱樂部

1 Mar 14 踏入三月， 我地又同哥哥BB班朋友仔出黎玩。嘩， 真開心。今次地點係Claire 第一次踏足的錦田鄉村俱樂部。原來由錦上路西鐵站打的入黎， 好快就到， 好似轉個彎咁。不過裡邊都幾多野玩架。

係入口有幾棵大樹菠蘿樹。

仲有彈珠機。呢D遊戲機已經吸引左小朋友目光， 第一時間衝埋去。

Claire: 媽咪， 我想玩呀。

媽媽第二次黎錦田鄉村俱樂部。都係今次見到有咁高咁大既太陽光咋。

成塊田都係太陽花。

Claire: 媽咪， 我塊臉大D定太陽花大D呀？呢度仲有種其它菜， 可以即買走。

好大既士多啤梨田。有幾幅咁多。仲多過上水假日農場。呢度的士多啤梨仲分左三種比大家摘， 真係適隨尊便。分別有法國種（＄70／磅），韓國種（＄100／磅）同埋日本種（＄120／磅）

參觀完呢度既田之後， 我地開始玩。第一件事梗係玩入口附近既車仔。Claire 選左坐動物車。

之後係草地玩下， 但係， 點解唔見左Claire 既？？？？

玩玩下， 朋友到齊。Claire 忽然好HIGH。

Claire: 我心真興奮。

之後， 我地齊齊去玩跳彈床。

Claire: 媽咪， 我夠唔夠可愛呀？

Claire: 咁呢個LOOK呢？ 夠可愛嗎？

跳不停。

衰妹唔知做乜， 忽然咁正經， 一副揾人咁款。唔通係度揾哥哥？

唔理三七廿一， 繼續跳跳跳。

同行既受友仔媽咪， 都好驚訝Claire 既活動力。估唔到細細粒， 卻精力充沛。

Claire: 哥哥， 我又想坐呀～～～我無得坐既。。。。

不過， 爭完之後， 好快又繼續跳。廿元10分鐘， 媽媽記得， 呢個價錢無變， 同兩年前一樣。

跳完個十分鐘， 我地腳仔軟軟咁去剪士多啤梨了。

Claire: 咦～～～～我好緊張呀。我又可以剪士多啤梨了。

媽媽同Claire 剪法國種既士多啤梨；爸爸就剪韓國種。咪睇法國種平D， 但都好紅架。

好認真咁逐粒評價靚唔靚尖唔尖扁唔扁既Claire ， 媽媽真係睇佢唔出。人仔細細對邊粒士多啤梨靚都咁多野講（當然佢真係睇外表啦， 而睇唔到林左個D 位）

Claire: 嘩， 我咁快剪左咁多了。

Claire: 媽咪， 我地比錢未呀？ 我想快D食呀。

大家各自展示收穫。而家小朋友真係多野玩， 真幸福。

食完士多啤梨。我地又跑去放電。

而家Claire 走得相當快。真係叫媽媽老懷安慰。

Claire: 咦， 有個波彈緊埋黎喎！

不過體形細粒， 依然有時會比較輸蝕。

好似而家咁， 有個小朋友想搶佢個波。但個波已經有佢心口咁大。哈哈。

一齊搶波既小朋友， 其實係細Claire 一年的。似唔似呢？

跑呀～～～

追完波， Claire 又比吹泡泡吸引住。

Claire: 等我今次去追泡泡先。

Claire: 等我又試下自己整泡泡波。

Claire: 點解好似整唔到咁架～～

失敗乃成功之母。今次咪得左囉。

Claire: 嘩， 個度都有好多波喎。我想玩個支槍射波呀。

最後， 卒之比Claire 輪到支泡泡槍。唔知點解， 呢支槍咁受歡迎。

臨尾， 爸爸捉左哥哥坐呢棵樹， 諗住捉埋Claire, 不過Claire好明顯好抗拒。扁哂咀話要落返地。

都係追追逐逐好玩D。睇下Claire 同姐姐互玩扮怪獸。幾咁迫真。

Claire: 嘩～～～我要食你呀～～

呢次放電， 我地都放左成三個鐘， 真係開心到飛起。媽媽睇住一班年紀相若既小朋友不停咁跑， 雖然自己年老跑唔郁， 但都替佢地開心。唔知下次再黎， 大家又會變成點呢？