大個仔左的表現＠天暉路體育館室內遊樂場

22 Feb 14 呢日Isaac 再訪天富站天暉路室內兒童遊樂場。每次黎到， 都自得其樂。總會揾到玩伴一齊癲。

Isaac： 媽咪， 睇下我。係咪好勁呢！

每次黎到，Isaac一定揾個碌碌推。其實做阿媽都唔明有乜咁好推。不過可能媽媽細個都係咁。 

黎左幾次， 今次Isaac 好乖， 定係Isaac 開始大個， 接近五歲忽然成熟左呢！ 今次玩， Isaac 見到小朋友唔岩， 都會出聲同佢地講。仲有， 就係平時粗粗魯魯既佢， 呢日居然可以好就住自己既急速動作， 避免撞BB。媽媽見到呢種步， 都好開心。

Isaac: 咦， 隔離位BB做乜呢？

大個仔， 識得守規則。無爭先恐後。

可能係咁， Isaac 一向好易交朋友。睇下， 咁又識到新朋友一齊玩。

玩玩下走去同個女仔睇風景。呢個女仔係咁追住Isaac 話要同佢做朋友喎。不過Isaac 就好怕羞， 唔答人。到人地走左啦， Isaac 又話下次約返呢個女仔玩。真係傻豬， 媽媽都唔識佢呀， 點約呢。

除左好快同陌生小孩融為一堆， Isaac 今次仲揾到新玩意。真係越黎越大膽。

Isaac: 哈哈， 你睇我幾厲害。咁都坐左上黎喎。 

Isaac: 等我扮下跳水先。

Isaac：媽咪， 你睇下我， 咁都唔跌架喎。

自從暑假發掘到呢個放電勝地後， Isaac 就愛上左呢個地方。幾乎每個月都會黎一次。媽媽見兩兄妹都咁踴躍放電， 體能又不斷進步， 黎呢到都值既。