錦田鄉村俱樂部摘士多啤梨

1 Mar 14 呢日我地又同BB班同學仔一齊黎錦田鄉村俱樂部了。Isaac 第一次黎， 又係同佢地， 估唔到第二次黎， 係兩年後， 不過都係同BB班同學黎。我地好準時到， 大家未黎， 我地先比兩兄妹渣下車。

之後， 去左田原附近個草地玩滑梯。不過呢幅相， 似巨人玩迷你玩具多D。

Isaac: 媽咪， 你睇下！

 終於等到人齊， 一齊去玩跳彈床。

之後， 一齊去摘士多啤梨。Isaac 同爸爸去摘日本種。

Isaac: 邊粒靚D 呢？

究竟Isaac 做乜呢？ 忽然間引到咁多人圍觀既？

爸爸： 阿仔， 等我幫你啦。

爸爸： 嗱， 呢粒咪靚囉。

呢張相真係温馨。兩個爸爸屈身為兒女摘士多啤梨。

大家既收穫。究竟有幾多係爸爸代勞既呢？

表情一致的兩位朋友。唔通佢地都覺得醜怪？ 要爸爸屈身幫手揾靚士多啤梨？

食完士多啤梨。大家一齊又係草地玩。不過因為Isaac 摘士多啤梨時吹到風， 嘔左一陣。真正玩既時間無幾多， 爸爸為左令Isaac 快D 熱身， 一於捉住佢一齊玩狐狸小姐。

點知， 玩玩下又走左去同爸爸一齊爬樹。唔覺意又比媽媽影到呢張相。似唔似阿妹推緊棵樹呢， 哈哈哈。 

 之前去錦田一役， 用左媽媽唔少錢玩自費活動。所以， 呢次講明只可以自費玩一樣活動， 點知， Isaac 除左玩車， 仲不停話要自製水晶球。咁就六十大洋。造個時好專心， 點知個水晶球一返到家， 掂都無掂過。又係嘥錢之作。唉。