一等奬＠展我繽紛2015

6 Mar 15 路經商場應節裝飾，Isaac 大多數會走埋去話要影相。跟住妹妹就會痴埋一齊。Isaac 唔知幾時開始，識得擺POSE既呢？真係唔睇返相都唔知TIM。

8 Mar 15 呢日係畫班老師完成埋幅畫，係參賽用既。媽媽睇到幅畫，嘩，真係好鬼靚呀。完全諗唔到Isaac 畫功咁厲害。老師指導果然係好特別呀。爸爸媽媽見到呢張畫，都覺得為之一振，原來自己個仔可以畫到咁厲害架。最近，收到機構通知，呢張畫得到一等奬。不過Isaac 無驕傲，佢仲鼓勵妹妹，讚賞妹妹第一次參賽就拎到優異奬，好欣賞妹妹TIM。媽媽聽到，真係好安慰，Isaac 大個仔了。好懂事。好生性。如果可以再少D激媽媽同妹妹，咁就更好了。