與BB班同學食團年飯

23 Feb 15 年尾流流，Isaac BB 班既同學仔都會有GATHERING。咁岩呢日我地有彈床班，Isaac 咁熱愛彈床，更加要去上一上啦。

Isaac: 跳完係咪去玩呀？

好耐無影Isaac 跳彈床。KEEP住跳左半年，動作純熟左好多。話坐就彈落去坐。

Isaac: 我呢個彈坐動作靚唔靚呀？

除左跳彈床叻左，Isaac 柔軟度都好左。好似而家咁，可以做到倒橋架啦。

Isaac 話要跳到讀大學喎。睇黎佢真係好鐘意呢項運動。

跳到腳仔軟，我地又趕下場。就係返以前舊居樓下個會所玩。

Isaac: 跳到腳軟，趁機抖下先。

Isaac: 嘩，點解我係咁跳彈床，都唔夠CIRCLES咁高既？

媽媽仲記得Isaac 係BB個時，爸爸帶佢落呢個波波池，夾硬比佢瞓波波，當時Isaac 邊有而家咁興奮吖。

準備走人食團年飯，臨食之前，先影張大合照。以前BB班既同學仔，各自長大，而家都拖埋細佬妹黎玩。越來越大棚人了。

呢餐飯食左好耐，跳完彈床又放左兩個鐘波波池電既Isaac，好明顯已經超級眼瞓，對住個旦糕唱生日歌，都木無表情⋯⋯可能個心淨係掛住快D食完快D返去瞓。