大膽妹勇玩青蛙跳＠海洋公園

20 Feb 15 呢日我地一黎到海洋公園，哥哥即刻趁爸爸去洗手間時，衝左去跑呢條水道。睇下Claire 幾咁無奈。平時乜都跟哥哥，不過一講到淋濕左個頭，就扁哂咀。正一貪靚妹。

未去到海洋公園，大家講話食雪糕。Claire 好有媽媽口味，選左要綠茶。睇佢食得幾咁滋味。正經飯又唔見佢食咁多。

海洋公園每次必玩水槍。

Claire: 我射緊架，做乜阻住我玩，要影相姐？
媽媽： 係呀，爸爸話要影架嘛，快D啦⋯⋯

 射完水槍，梗係又去兒童王國放電。

Claire: 嘩，乜影緊我架？

Claire: 等我加把勁先，影緊我架～～

 爬完上去又SIR返落黎。咁樣玩，可以有無盡既精力。

梗係，次次都有錫佢既哥哥一齊癲。你話幾咁HAPPY吖。

Claire: 哈哈，鬼叫我可愛咩。

Claire: 爸爸，你話係咪先？

飛咁快，又SIR左落黎。一陣風咁。

Claire: 哈哈，真係似風咩？

Claire: 哈哈，梗係，我係超人黎架嘛。

 雖然Claire 身手好似好敏捷，不過對於落斜，佢依然係好細膽架咋。好似學校附近有個公園，佢次次玩個斜坡仔，落斜都係堅持用呢個姿勢慢慢流落黎。可愛到呢。

Claire: 你唔可以笑人架～～～

 之後，Claire 見到爸爸同哥哥玩青蛙跳，梗係唔執輸。係Claire 第一次玩咋。其實媽媽好鬼驚囉⋯⋯鄧佢驚。因為妹妹咁細粒，真係好怕佢係個隆到跣左落黎。好在，最後無驚無險（按此去片）。

Claire: 嘻⋯⋯其實我都有少少驚架。

Claire: 不過我都會扮唔驚囉，YEAH～～～

 玩完一次又一次，HYPER到佢不停擘大口叫。

Claire: 嘩卡卡，好搞笑呀～～

Claire: 好野，我玩完LU。大個女LU。下次可以再黎玩。

媽媽係下邊睇住Claire 玩呢架青蛙跳，真係鼻哥都無肉呀，心驚膽跳。吖，衰妹又真係成日叫人另眼相看喎。第時大個女，一定好大膽周圍玩機動遊戲既姐。