義務打中國鼓

9 Mar 15 話說年尾，Isaac 同媽媽講，佢要去香港大會堂表演打中國鼓，當時媽媽仲未收到通告，仲諗緊真定假呀。點知，過左無耐，聖誕假前，就收到學校通告要加操。因為Isaac 被挑選左做義工，幫中國武術班打中國鼓。打中國鼓都無問題，但媽媽睇到佢個加時綵排時間，真係心都痛埋。咁細個人仔，駛唔駛日操夜操呀。朝早提前返學，傍晚又要返去綵排。咁都不特止，原來第一日表演時間，係晚上七點至九點半。嘩⋯⋯過哂Isaac 瞓覺時間呀。想SAY NO都唔得，因為學校乜都定哂至比通告。而Isaac 又鐘意打鼓，咁唯有安慰佢，努力多一排就完。同期，個兩個月都CUT左 Isaac 自己既校外課外活動，等佢無咁頻撲。始終小朋友都係要有自己休息時間比較好。

學校就係挑選左呢十位同學仔打鼓，黎FOR 綜藝表演之用。其實有幸被選到，媽媽其實係開心的。好在Isaac 都好ENJOY，事後仲話想繼續打中國鼓。

難得係夜晚表演，我地一家人齊心出席支持。

原來佢地唔係打中國鼓咁簡單，原來仲有動作架。真係好似難過佢打西洋鼓多多聲。

Isaac: 哎，EASY JOB啦。

台上一臉認真既Isaac，同平時好唔同。

Isaac: 好野，終於打完，可以返歸瞓LU。

 同行有Isaac 最愛既兩位老師一齊，難怪Isaac 話鐘意打中國鼓啦。

話咁快就表演完，估唔到Isaac 係台上仲好似好精神⋯⋯不過一完左就人，Isaac 就大喊好眼瞓呀～～～～其實都幾辛苦架。返到屋企都十幾半打後，仲要同佢落粧洗頭，Isaac 眼瞓到喊哂口。翌日仲要出去表演，媽媽睇見真係心都痛埋。現今小朋友真係唔易做，只不過六歲人仔，學校就要咁要求。不過好在成個過程，Isaac 都好開心，好ENJOY。