年尾必到－海洋公園

20 Feb 15 去完迪迪尼，趁年三十晚，我地經驗係主題公園會無乜內地人。所以特登又黎一趟海洋公園。雖則係冬天，不過Isaac 都唔理三七廿一，依然忘我咁跑步穿水。

Isaac: 好野，無濕身～～

 聖誕賣哂廣告話係全港室內最大既燈飾，不外如是。估唔到新年繼續擺。仲要係一模一樣，只不過加幾條炮仗裝飾。

Isaac: 佈景一樣，但我大左吖嘛，照影啦。

呢日又係熱熱地，所以我地食雪糕等睇表演。

呢個表演幾好睇架，開頭係打鼓，揾內地四川既人黎表演。

高潮係變臉。媽媽就係見兩兄妹未見識過乜野係變臉，所以熱熱地，都照坐住睇。見到前排有個外國小朋友驚到喊。

睇完表演又去玩。咁岩見到條咁怪既柱，Isaac 話要試下爬上去喎。當然比爸爸停止左啦。

黎OP必玩既十元一次射水遊戲。

又係必玩既兒童王國。呢兩兄妹，就黎迫唔入同一條滑梯了。不過Isaac 真係好錫個妹，係都要等埋個妹一齊坐落黎。

Isaac: 我走啦，你慢慢坐啦。

Isaac: 咦，揾埋妹妹上黎先。

 係媽媽同妹妹去洗手間期間，爸爸同Isaac 去左玩青蛙跳。睇下Isaac 緊張到呢。

Isaac: 好驚呀～～～

之後，同妹妹一齊坐。唔知今次邊個驚D呢？

爸爸： 實係媽咪你最驚啦。

Isaac: YEAH～～～我今次實唔驚啦。

 牛高馬大既Isaac，長高得好快，好快就黎唔岩再坐呢架小甲蟲了。

係OP玩到六點，我地都係時候要走。臨走，Isaac 見到應節大鼓，走去打下。最近學校選左佢打中國鼓，Isaac 話好好玩喎，想繼續打落去。唔知小學有無呢D中國鼓啦呢？

Isaac: 我學爸爸渣車車返屋企呀，快D上車啦。