一人一花－－死左

5 Mar 15 一年一度一人一花活動又黎。呢日老師比我地一人一盆苗。返屋企比Claire 裝飾下個花盆至移植。度一度，新苗仔原來咁細少架咋。

例牌動作，要同盆野影下相喎（老師本野寫住要架）。

因為屋企細，花盆長期放窗邊。呢日媽媽收衫，唔小心跌左件衫落妹妹盆野到。即時斷左。媽媽即刻試下幫佢殖殊。睇下救唔救得返。好明顯，被斷個截過幾日直情死埋。另一有根個截，半死個態捱左好耐都唔掂。後黎，媽媽剪左哥哥個盆花落去，諗住多一支啦，吖，點知連哥哥原本好地地個枝草，最後一齊死埋。都唔知係咁岩吖，定呢盆野本身就有問題，搞到連哥哥本來好強壯既草都捱唔到。

媽媽見交花日子就到，同妹妹講，我地今年無花交。妹妹好唔開心，不過都接受。真係乖女。希望出年可以有花交啦。